I Sam 17:35 - Sơ̆p Hlabơar Nơ̆r 'Bok Kei-Dei

³⁵ na inh druh, teh sư, pơdŭng iŏk triu đơ̆ng 'bơ̆r sư tơdah sư ôr bruh tơ inh, inh rôp sŏk kang sư, teh pơlôch sư.

I Sam 17:35 ပူးပေါင်းရင်းမြစ်များ

II Sam 23:20

Bênaia, kon Jêhôiada, đơ̆ng pơlei Kapsêl, minh 'nu bơngai nuih kơtang, đei lơ jơnei tih, sư boih pơlôch 'bar 'nu kon drŏ-nglo Ariêl, bơngai Môap sư boih kư̆m jur tơ lăm sơlŭng pơlôch minh pôm dăm-brang lăm minh năr prĕl jur.

Horiso 91:13

Ih gô yak juă kơpal kơ̆l 'bih dong păng dăm-brang; Gah dăm-brang păng 'bih choh lôch ih juă bơhlơ̆r lê̆ tơ ala jơ̆ng.

Da 6:22

Kră Yang 'Bok Kei-Dei inh đei wơh Linh jang Sư chĭt lê̆ 'bơ̆r lu dăm-brang, thoi ei na lu sư ưh kơ gơh pơrăm inh, yua kơ inh khan boih, inh ưh kơ đei pơm yoch kiơ 'bơ̆t anăp sư, ơ pơtao, mă hăm ih kư̆m lei-lăi inh ưh kơ đei pơm yoch kiơ.

Am 3:12

Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

I Sam 17:34

Đawit tơl roi kơ Sôl: Kơplah inh wei triu 'bă inh, dah đei dăm-brang, chơgơu wă rôp sa triu đơ̆ng lăm khŭl triu,

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.