I Sam 17:34 - Sơ̆p Hlabơar Nơ̆r 'Bok Kei-Dei

³⁴ Đawit tơl roi kơ Sôl: Kơplah inh wei triu 'bă inh, dah đei dăm-brang, chơgơu wă rôp sa triu đơ̆ng lăm khŭl triu,

I Sam 17:34 ပူးပေါင်းရင်းမြစ်များ

Bl 31:39

Kŭm ưh tam biơh chĕp ba kơ ih triu ayơ đơ̆ng sem bri hek sa; dah đei, lê̆ kơdih inh 'mong kơ ih. Ih kư̆ hrăn khan ling-lang athei inh 'mong kơ đêl đe tơtông kơ'năr dah kơmăng.

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

II Sam 23:20

Bênaia, kon Jêhôiada, đơ̆ng pơlei Kapsêl, minh 'nu bơngai nuih kơtang, đei lơ jơnei tih, sư boih pơlôch 'bar 'nu kon drŏ-nglo Ariêl, bơngai Môap sư boih kư̆m jur tơ lăm sơlŭng pơlôch minh pôm dăm-brang lăm minh năr prĕl jur.

I Ho 11:22

Bênaia, kon drŏ-nglo Jêhôiada bơngai Kapsel, minh 'nu bơngai linh nuih kơtang đei pơm lơ tơdrong jang tih; sư pơlôch 'bar 'nu bơngai Môap mă pran kơtang hloh; lăm minh năr prĕl jruh sư jur năm tơ minh pôm sơlŭng pơlôch Dăm-brang.

Horiso 143:5

Inh 'blŏk kơ năr adrol sơ̆, hơdơ̆r kơ dôm tơdrong jang Ih. Păng tơchĕng kơ tơdrong jang đơ̆ng ti Ih đei pơm.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Am 3:12

Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

Sa 11:16

Yua kơ âu, Inh gô tơiung ăn minh 'nu bơngai plơ̆ng jing bơngai wei-lăng triu kơpal teh âu. Mă-lei sư ưh kơ hiơ̆k kơ triu ôh, kư̆m ưh kơ chơchă lu triu hiong, ưh kơ wă ming lu triu rơka, ưh kơ wă rong lu triu bek jăng, mă-lei 'buh sa lu triu mă bek 'lơ̆ng noh păng hek lê̆ kơchôp lu sư.

Sa 9:7

Mă-lei Inh gô iŏk pham đơ̆ng 'bơ̆r sư păng tơdrong kơnê̆ đơ̆ng lăm hơnĕnh lu sư; lu khŭl sư mă oei đei gô jing khŭl Kră Yang 'Bok Kei-Dei lu bơ̆n, sư kư̆m thoi yŏng kơdră adrĕch Juđa păng Ekrôn thoi bơngai Jêbus.

Luka 2:8

Jê̆ pơlei noh đei lu bơngai wei triu kral kơmăng wei-lăng triu sư tơ bri.

Yo 10:11

“Inh bơngai wei triu 'lơ̆ng tơpăt. Inh chu lôch yua kơ triu Inh.

Rom 5:4

Tơdah bơ̆n adrin tơpă tơdrong lui, lei tơdrong lui bơ̆n rai kơjăp. Tơdrong lui noh ăn kơ bơ̆n chang gô khŏm khŏm.

Hêbrơ 11:33

Lu sư đei đon lui tơpă, na lu sư kĕ blah iŏk lơ teh đak noh nai. Lu sư bơngai pơgơ̆r tơpăt ling-lang, lu sư 'bôh tơpă boih tơdrong 'Bok Kei-Dei pơkă wă ăn kơ lu sư noh. Lăm lu sư kư̆m đei gơh pơŏm 'bơ̆r kiĕk.

Tơdrông Tơ'bôh 13:2

Sem ei lăng hơbŏ sư thoi kla djrang, jơ̆ng sư thoi jơ̆ng chơgơu. 'Bơ̆r sư thoi 'bơ̆r dăm-brang. Na yă-grai ei pơm ăn kơ sem noh jing pran kơtang păng ăn kơ sem noh oei tơ tang-dŏ sư, pơm 'bok pơgơ̆r jơ̆p-jang kơ teh đak.

Lu 14:6

Yang bơhngol 'lơ̆ng Kră Yang jur oei hơdai sư hăm tơdrong pran. Sư rôp hek hơđah kon dăm-brang nhen thoi hek kon bơbe hăm ti sư; mă-lei sư ưh kơ đei roi kơ mĕ 'bă sư băt ôh tơdrong sư đei pơm.

I Sam 17:15

Mă-lei Đawit kư̆m brŏk năm đơ̆ng anih Sôl, brŏk tơ pơlei Betlehem wei triu 'bă sư.

I Sam 17:33

Sôl găn Đawit: Ih ưh kơ kĕ wă tơblah hăm bơngai Philistin, yua kơ ih minh 'nu bơngai oei 'lơ̆p, sư 'noh bơngai juăt kơ tơblah đơ̆ng oei 'lơ̆p sơ̆.

I Sam 17:35

na inh druh, teh sư, pơdŭng iŏk triu đơ̆ng 'bơ̆r sư tơdah sư ôr bruh tơ inh, inh rôp sŏk kang sư, teh pơlôch sư.