I Sam 17:28 - Sơ̆p Hlabơar Nơ̆r 'Bok Kei-Dei

²⁸ Mă-lei Êliap 'nhŏng kơdră sư, hil kơ Đawit pơma apinh thoi noh, na khan: E năm chă kiơ tơ âu? E achăng lê̆ lu triu bơ̆n lăm tơmăn glă ăn kơ bu lăng? Inh băt jơhngơ̆m e pơang pơma kơchu lăm jơhngơ̆m. Truh tơ âu e wă lăng tơblah ah.

I Sam 17:28 ပူးပေါင်းရင်းမြစ်များ

Bl 37:11

Lu 'nhŏng sư blĕk kơ sư rai dêh. Gah 'bă sư răp gô lăng tơdrong noh.

Bl 37:4

Lu 'nhŏng sư 'bôh 'bă sư 'mêm kơ Jôsep hloh kơ lu sư, na lu sư đei jơhngơ̆m klai monh kơ Jôsep, đơ̆ng noh ưh pă gơh pơma pơ'lơ̆ng hăm sư dơ̆ng.

Bl 37:8

Na lu 'nhŏng sư tơl: Lei e gô pơm yŏng lu bơ̆n hă? Lu 'nhŏng sư rai blĕk dêh yua kơ đơ̆ng sư apo noh.

II Ho 11:18

Rêhôbôam oei kơ Mahalat kon adruh Jêrimôt, sâu Đawit; sư kư̆m oei dơ̆ng kơ Abihai, kon adruh Êliap, sâu Jese.

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Tơdrông Pơđơk 18:19

Pơlung 'nhŏng oh lăp jơhngơ̆m, kơtrơ̆m jah blah kơđông kơjăp đĕch 'bônh; Tơdrong pơjah noh nhen thoi pơlei kơjăp chơkăl 'măng jang boih.

Tơdrông Pơđơk 27:4

Tơdrong hil mĭl kơnê̆ tơpă, Tơdrong hil thoi đak lĕch ro blai lơ̆p, Bu kĕ dơ̆ng 'bơ̆t anăp tơdrong hil gar.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Mathiơ 10:36

'Nhŏng oh pôm hnam mă ưh kơ lui hil areh kơ 'nhŏng oh mă lui.

Mathiơ 27:18

Pilat băt hơđăl kơ lu 'bok soi tih ơh klai jao wă pơlôch Yêsu noh.

Markôs 3:21

Hnam dơnŏ Yêsu kơtơ̆ng ang thoi noh, na lu sư năm wă iŏk Yêsu wă anhăk wih tơ hnam, kơlih kơ đe khan Yêsu Sư wă wơnh.

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.

I Sam 16:13

Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.

I Sam 17:29

Đawit tơl: Inh đei pơm kiơ? 'Noh inh wă apinh lăng đĕch!