I Sam 17:25 - Sơ̆p Hlabơar Nơ̆r 'Bok Kei-Dei

²⁵ Lu Sư khan tơduă: Lu iĕm hăm 'bôh bơngai noh to sư lĕch năm? Sư wă pơjăm che bơle kơ bơngai Isơrael, tơdah bơngai bu kĕ pơlôch sư, na pơtao gô apah mŭk tơmam lơ, rôp ăn kon adruh sư ăn kơ bơngai noh oei păng ưh kơ đei iŏk thuê̆ ăn rơngei kơ hnam 'bă.

I Sam 17:25 ပူးပေါင်းရင်းမြစ်များ

Esơra 7:24

Đơ̆ng noh dơ̆ng, inh đei chih roi kơ iĕm băt ưh kơ gơh iŏk thuê̆ tơmam dah jên đơ̆ng 'bok soi, bơngai Lêwi, lu khŭl hơri, bơngai gak 'măng, bơngai Nêthinim, dah lu đam lăm hnam akŭm Kră Yang 'Bok Kei-Dei.

Mathiơ 17:26

Na Pêtrôs khan kơ Sư: “Lu sư iŏk thuê̆ đơ̆ng bơngai nai.” Yêsu khan kơ Pêtrôs: “'Noh bơ̆n băt kơ 'bok pơtao kuă ăn kon sư duh thuê̆, bơ̆n kư̆m ưh kơ duh ôh, yua kơ bơ̆n kon pơtao 'Bok Kei-Dei.

Jôsuê 15:16

Kalep khan: Inh gô ăn kon drŏ-kăn inh Aksa, pơm akăn bơngai bu kĕ blah iŏk đei pơlei Kiriat Sêpher.

Tơdrông Tơ'bôh 2:17

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh gô ăn kơ bơngai noh 'bĕng mana mă kon bơngai tơ ala teh ưh tam đei sa ôh păng Inh gô pôk anăn sư 'nao, anăn 'nao noh Inh chih tơ tơmo kok lat, na ăn kơ sư. Anăn noh lu đe nai ưh kơ băt ôh, pôm sư kơdih đĕch băt.’ ”

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”

Tơdrông Tơ'bôh 3:12

‘Tơdrong tơblah păng yang kơnê̆ jei bơngai bu, Inh gô ăn kơ bơngai noh pơm jrăng hnam akŭm 'Bok Kei-Dei 'Bă Inh tơ Pơlei 'Lơ̆ng Sư. Sư pơdơ̆ng wei hnam noh ling-lang. Păng Inh chơ̆m đŏng yâu 'Bok Kei-Dei 'Bă Inh tơ klĕng sư păng anăn Pơlei 'Lơ̆ng 'Bok Kei-Dei 'Bă Inh. Pơlei 'noh wă khan Pơlei Jêrusalem 'nao mă 'Bă Inh gô tơjur đơ̆ng plĕnh ning-mônh. Păng Inh kư̆m chơ̆m đŏng yâu Inh tơ klĕng sư. Đŏng yâu noh chih anăn Inh 'nao pơjing.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.

I Sam 17:24

Đĭ-đăng lu linh bơngai Isơrael 'bôh Gôliat hli tơrơ, chă kơdâu ôn.

I Sam 17:27

Linh roi kơ Đawit tơmam apah noh: Bu gơh kĕ pơlôch sư na gô apah tơmam trŏ thoi đei roi boih.