I Sam 17:20 - Sơ̆p Hlabơar Nơ̆r 'Bok Kei-Dei

²⁰ Pơgê dơning đơ̆ng hrôih, Đawit lê̆ triu sư ăn kơ minh 'nu bơngai wei, iŏk tơmam na yak năm, thoi 'bă sư pơkă boih. Lăp sư truh tơ anih na kơplah noh hloi lu linh lĕch năm tơblah păng jreo re drŭt tơblah.

I Sam 17:20 ပူးပေါင်းရင်းမြစ်များ

Luka 19:43

“Ning-mônh lu bơngai ayăt kơ iĕm gô wang tăp dăr kơ pơlei iĕm. Lu sư gô pơgăn trong iĕm păng ưh kơ ăn iĕm jăk achăng pơlei iĕm ôh.

Jôsuê 3:1

'Brưch pơgê oei hrôih, Jôsuê drôih chông ba kon pơlei Isơrael, đơ̆ng Sitim, lu sư năm truh tơ jih đak Krong Jôrđăn, 'bĭch gô tơ noh adrol kơ tŏk găn đak Krong.

I Sam 15:12

Pơgê năr đơ̆ng rŏng, sư năm tơ'bơ̆p Sôl, đei bơngai năm roi kơ Samuel: Sôl hlôi năm tơ Karmel boih, pơdơ̆ng tơmo wă tơ'blŏk kơ sư; đơ̆ng noh na wih jur tơ Gilgal.

I Sam 17:19

Lu 'nhŏng oei hơdai hăm Sôl păng đĭ-đăng lu linh bơngai Isơrael tơ lăm pŭng-lŭng Êlah, wă tơblah hăm lu linh kon pơlei Philistin.

I Sam 17:21

Bơngai Isơrael păng lu kon pơlei Philistin sư dă wă tơblah, 'bar pah linh tơklă băl muh măt.

I Sam 17:28

Mă-lei Êliap 'nhŏng kơdră sư, hil kơ Đawit pơma apinh thoi noh, na khan: E năm chă kiơ tơ âu? E achăng lê̆ lu triu bơ̆n lăm tơmăn glă ăn kơ bu lăng? Inh băt jơhngơ̆m e pơang pơma kơchu lăm jơhngơ̆m. Truh tơ âu e wă lăng tơblah ah.

I Sam 26:5

Đawit iung, năm truh 'bơ̆t anih Sôl pơm kơđông; sư 'bôh anih tep Sôl păng Apner kon drŏ-nglo Nêr, bơngai mă pơgơ̆r linh; Sôl tep lăm kơđông đei lu linh tep tăp dăr kơ sư.

I Sam 26:7

Na Đawit păng Abisai oei măng năm mơ̆t lăm kơđông, 'bôh Sôl oei tep lăm kơđông, tơju hlôt tơ teh cheng kơ̆l sư. Apner hăm lu linh tep tăp dăr kơ sư.