I Sam 17:17 - Sơ̆p Hlabơar Nơ̆r 'Bok Kei-Dei

¹⁷ Na Isai khan kơ Đawit, kon drŏ-nglo sư: Dăm kon e iŏk minh kơthŭnga 'ba mi hơdrĕng păng mơjĭt tŏ 'bĕng âu, kơdâu năm ba truh tơ kơđông chĕp ba ăn kơ lu đe 'nhŏng e.

I Sam 17:17 ပူးပေါင်းရင်းမြစ်များ

II Sam 17:28

chĕp ba ăn kơ Đawit păng kơ đĭ-đăng bơngai kiơ̆ sư. Lu hơkok, pơnhan, lu bô̆i teh, 'ba mi, 'ba tơ'bâu, tơpŭng, găr hơdrĕng, lơ găr tơh, păng lơ găr hơdrĕng nai,

Mathiơ 7:11

Iĕm bơngai kơnê̆ ră mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, Sư asong ăn kơ bơ̆n tơmam 'lơ̆ng tơpă dôm lu bơngai mă krao khan apinh Sư, Sư ưh kơ kret ôh.

Luka 11:13

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Ru 2:14

Kơplah jơ sŏng sa 'Bôô khan dơ̆ng kơ sư: Hiăng hơ-oei mă jê̆ tơ âu, iŏk sa 'bĕng âu păng chơ̆m tơ lăm sik iŭ bĕ, na sư năm hơ-oei jê̆ lu bơngai drŏ-kăn yua 'ba, lu đe noh ăn por hơdrĕng. Sư sa dĭng phĭ, kư̆m oei rơkah sư 'măn lê̆.

I Sam 17:16

Gôliat bơngai Philistin năm lĕch pơgê kơsơ̆, pơjăm linh bơngai Isơrael thoi noh lăm puăn-jĭt năr.

I Sam 25:18

Abigail hăt hot iŏk 'bar-hrĕng tŏ tơpei 'bĕng, 'bar kơthŭng akar sik hơmu; 'nhĕm pơđăm tŏ triu pai sĭn boih. Pơđăm kơthŭng phe 'ba mi hơdrĕng. Minh-hrĕng hơie plei hơmu, 'bar-hrĕng tơpei 'bĕng plei hơra kro, sư hơtŏk tơ rŏng aseh iĕ.