I Sam 17:12 - Sơ̆p Hlabơar Nơ̆r 'Bok Kei-Dei

¹² Na, Đawit, kon drŏ-nglo Jese bơngai Êphrat, oei lăm pơlei Betlehem dêh Juđa; sư đei tơhngam 'nu kon drŏ-nglo, lăm chăl Sôl, Jese sư bơngai kră mă đe pơyom.

I Sam 17:12 ပူးပေါင်းရင်းမြစ်များ

Bl 35:19

Đơ̆ng noh Rachel sư lôch, na 'bŭ 'bơ̆t cheng trong brŏk tơ Êphrat. Êphrat wă khan Betlehem.

II Sam 23:1

'Nâu boih lu nơ̆r pơtao Đawit pơma tuch-luch: Nơ̆r Đawit kon Jese nơ̆r mă bơngai đe pôk atŏk kơjung, mă Kră Yang 'Bok Kei-Dei Jakôp tuh đak pơgang 'bâu phu pôk ăn tơdrong jang; sư chă nơ̆r lu tơdrong hơri đei kon pơlei Isơrael lăp đon.

Horiso 132:6

Lu nhôn đei kơtơ̆ng roi gah hom tơdrong pơgơ̆p tơ Êphratha. Nhôn 'bôh boih Sư tơ lăm mir Jaar.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mathiơ 1:6

Jesê âu boih pơjing pơtao Đawit. Akăn Đawit đơ̆ng akăn Uri sơ̆ bre sư Đawit pơjing Sôlômôn.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

Ru 1:2

Bơngai drŏ-nglo anăn Êlimêlek, akăn sư anăn Naômi, 'bar 'nu kon drŏ-nglo anăn Makhlôn păng Kiliôn. Lu sư đơ̆ng bơngai Êphrat, pơlei Betlehem, dêh Juđê. Lu sư năm tơ teh đak Môap păng oei tơ noh.

Ru 4:17

Lu bơngai drŏ-kăn rông 'bôt lu sư anăn ăn kơ bơngai hơ'lơ̆p drŏ-nglo âu Ôbêt, na khan: Đe tơpŭ boih minh 'nu hơ'lơ̆p drŏ-nglo ăn kơ Naômi, Ôbêt sư jing 'bă kơ Jese, 'bok tơm Đawit.

Ru 4:22

Ôbêt pơjing Jese, Jese pơjing kơ Đawit.

I Sam 1:1

Đei minh 'nu bơngai drŏ-nglo đơ̆ng pơlei Ramathaim Suphima lăm tơring groi kông Êphraim anăn sư Êlkana, kon drŏ-nglo Jêrôham sâu Êlihu, sâu i Tơhu, sâu ach Sup, bơngai adrĕch Êphraim.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 16:18

Minh 'nu lăm lu đĭch đam sư khan: Inh 'bôh minh 'nu kon drŏ-nglo Jese, bơngai Betlehem; sư reh brŏ hơgei dêh, sư minh 'nu bơngai tơblah nuih, pơma dơnuh hơgei păng muh măt sư hơbŏ 'lơ̆ng. Kră Yang oei hơdai sư.

I Sam 17:11

Sôl păng lu bơngai Isơrael mơ̆ng dôm lu nơ̆r bơngai Philistin, pơma noh jơhngơ̆m lu sư hli tơrơ dêh.

I Sam 17:58

Sôl pơma dơnuh hăm Đawit: Ơ dăm mơlôh, ih kon bu? Đawit tơl: Inh kon Jese, đĭch đam pơtao, oei tơ pơlei Betlehem.