I Sam 16:16 - Sơ̆p Hlabơar Nơ̆r 'Bok Kei-Dei

¹⁶ Apinh pơtao wơh lu nhôn chă kơ ih minh 'nu gơh reh tĭng-nĭng, tơdah layơ Kră Yang 'Bok Kei-Dei wơh yang kơnê̆ truh tơ ih, na bơngai ei gô reh brŏ, na ih gô oei hiôk hơđơ̆ng.

I Sam 16:16 ပူးပေါင်းရင်းမြစ်များ

Bl 41:46

Jôsep pơtơm jang hăm Pharaôn, pơtao Êyiptơ, kơplah noh sư đei pêng-jĭt sơnăm boih. Thoi noh, sư đơ̆ng hnam pơtao Pharaôn sư chă năm dăr tơ jơ̆p kơ dêh char Êyiptơ.

I Pot 10:8

Pŭn hiôk tih tơpă kơ lu đĭch đam ih bơngai mă oei hơdai ih! Lu bơngai mă oei awih awăn 'bơ̆t anăp ih ling-lang păng kơtơ̆ng dôm tơdrong gơh hơgei ih.

II Pot 3:15

Mă-lei dang ei, ba kơ inh minh 'nu bơngai gơh reh brŏ dung bĕ:” Kơplah bơngai ei oei reh brŏ dung na tơdrong mơsêh Kră Yang jur oei hơdai hăm Êlisê.

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.

I Sam 16:14

Yang Bơhngol 'Lơ̆ng Kră Yang lĕch đơ̆ng Sôl; Kră Yang wơh minh 'nu yang kơnê̆ pơm kơ đon sư hơwơ̆l hơwang hli tơrơ.

I Sam 16:15

Lu đĭch đam sư roi: Đei minh 'nu yang kơnê̆ mă Kră Yang 'Bok Kei-Dei wơh truh pơm kơ đon pơtao hơwơ̆l hơwang.

I Sam 16:17

Sôl tơl hăm lu đĭch đam sư: Năm bĕ chă kơ inh minh 'nu bơngai reh brŏ hơgei, đơ̆ng noh chông ba sư năm tơ inh âu.

I Sam 18:10

Năr đơ̆ng rŏng, Kră Yang 'Bok Kei-Dei ăn Yang kơnê̆ mơ̆t lăm Sôl; sư hli tơrơ pơma kư̆ kă lăm hnam sư, thoi bơngai wơnh, na Đawit reh brŏ thoi krô hmă. Sôl chĕp minh hlak tơju tơ ti sư.

I Sam 19:9

Kră Yang ăn yang kơnê̆ mơ̆t lăm Sôl kơplah sư oei ngôi lăm hnam chĕp tơju tơ ti sư; 'bơ̆t Đawit oei reh brŏ tĭng-nĭng.