I Sam 15:6 - Sơ̆p Hlabơar Nơ̆r 'Bok Kei-Dei

⁶ Sôl kư̆m wơh bơngai năm tơbăt ăn kơ kon pơlei Kênit: Lu iĕm athei weh bĕ, tơklah lĕch bĕ đơ̆ng kon pơlei Amalek, wă kơ lu nhôn huay kơ pơlôch iĕm hơdai hăm lu sư, yua kơ lu iĕm pơm 'lơ̆ng kơ kon pơlei Isơrael kơplah lu sư 'nao lĕch hlôi đơ̆ng dêh Êyiptơ. Thoi noh, na kon pơlei Kênit tơklah lĕch đơ̆ng kon pơlei Amalek.

I Sam 15:6 ပူးပေါင်းရင်းမြစ်များ

Bl 15:19

Noh char bơngai Kênit, lu Kênêsit, lu Kamơnit.

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

I Ho 2:55

păng adrĕch adrung 'bok thây bơtho khôi juăt oei tơ pơlei Jabes noh bơngai Tirathit, Simeathit, păng Sukathit. 'Noh kon pơlei Kênit, đơ̆ng adrĕch Hammat, 'bă kơ adrĕch Rêkap.

Le 18:19

Na dang ei, athei mơ̆ng bĕ, inh bơtho tơ'bôh kơ ih, hơpơi apinh Kră Yang oei hơdai ih. Ăn kơ ih jing bơngai tang măt ăn kơ kon pơlei 'bơ̆t anăp Kră Yang 'Bok Kei-Dei păng roi dôm tơdrong lu sư 'bơ̆t anăp Kră Yang 'Bok Kei-Dei.

Tơdrông Pơđơk 9:6

Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

Jo 16:34

Đĭ-đăng kon pơlei bơngai Isơrael oei tăp dăr kơtơ̆ng nơ̆r lu sư ôr, kơdâu ôn đĭ, yua kơ lu sư khan: Lu bơ̆n athei kơchăng bĕ, kơnh teh kư̆m luăn đĭ lu bơ̆n hai!

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

II Tim 1:16

Inh krao khan kơ Kră Yang 'Bok Kei-Dei apinh Sư mơnat kơ hnam dơnŏ Ônêsip yua kơ lơ 'măng boih sư năm hơpong tơ inh, na jơhngơ̆m inh hiôk tơpă. Sư ưh kơ mơlâu kơ đe phak inh ôh.

Tơdrông Tơ'bôh 18:14

Lu bơngai juăt kơ mơdro sa khan kơ sư: “Rim kơ plei 'long lăp kơ hơlŏng 'maih sa ưh pă đei boih, dôm lu tơmam sa 'lơ̆ng 'lơ̆ng, dôm lu tơmam gĭt kăp jên, hiong đĭ ưh pă layơ wă đei dơ̆ng.”

Lu 1:16

Bơngai Kênit 'noh kon sâu tơnei 'bok Môis đơ̆ng pơlei 'Long gol năm tŏk hăm kon sâu Juđa, truh tơ anih glă char Juđa, tơ gah gơal Arat păng pơm anih oei tŏk-bŏk kon pơlei pơla.

Lu 4:11

Hêber bơngai Kênit sư weh boih đơ̆ng lu kon pơlei Kênit sư noh, kon sâu Hôbap 'nhŏng oh akăn Môis; sư năm pơm bơsŭn jê̆ tơ tơm 'long tih tơ Sananim, jê̆ Kêđes.

Lu 5:24

Pŭn hiôk dêh kơ Jăl, akăn Hêber, bơngai Kênit. Noh mă bơngai drŏ-kăn đei tơdrong pŭn hiôk hloh lăm lu bơngai drŏ-kăn mă oei lăm bơsŭn!

I Sam 15:5

Sôl năm blah kon pơlei Amalek păng răp lu linh lăm thong.

I Sam 27:10

Rim wơ̆t Akis jet: Năr 'nâu, ih năm blah tơgar iŏk tơring ayơ? Đawit tơl: Lăm tơring gah gơal teh đak Juđa, gah gơal teh đak kon pơlei bơngai Jêrahmêel păng gah gơal teh đak kon pơlei bơngai Kênit.

I Sam 30:29

asong ăn kơ lu bơngai kră mă oei tơ Rakal păng mă oei lăm lu pơlei kon pơlei bơngai Jêrahmêel, ăn kơ lu bơngai kră oei lăm lu pơlei Kênit,