I Sam 15:30 - Sơ̆p Hlabơar Nơ̆r 'Bok Kei-Dei

³⁰ Sôl apinh lung: Inh đei yoch; mă-lei apinh ih pơyom kơ inh 'bơ̆t anăp lu đe kră wei-lăng kon pơlei inh păng 'bơ̆t anăp lu bơngai Isơrael; apinh ih wih jơ̆ inh dơ̆ng na inh gô kơkuh kơ Kră Yang 'Bok Kei-Dei ih.

I Sam 15:30 ပူးပေါင်းရင်းမြစ်များ

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

Le 9:27

Pharaôn wơh đe krao hloi Môis păng Arôn khan: Wơ̆t 'nâu inh yoch boih; Kră Yang jơ̆ Tơ'ngla 'lơ̆ng tơpăt; inh păng kon pơlei inh yoch tơpă.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Yo 12:43

Lu kră ei wă kơ lu bôl buăl sư lăp đon kơ lu sư hloh kơ lu sư wă kơ 'Bok Kei-Dei lăp đon kơ lu sư.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.

I Sam 15:31

Samuel wih jơ̆ dơ̆ng Sôl kiơ̆ thoi sư pơkă; na Sôl drap kơkuh kơ Kră Yang.

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.