I Sam 15:3 - Sơ̆p Hlabơar Nơ̆r 'Bok Kei-Dei

³ Thoi noh, na năm bĕ blah kon pơlei Amalek păng pơlôch pơđĭ lu sư sem dơrong lu sư. Lu iĕm ưh kơ gơh mơnat kơ lu sư, athei pơlôch đĭ drŏ-nglo drŏ-kăn, păng lu 'lơ̆p lu nge oei mŏm, rơmo triu, lăk-đa păng aseh iĕ.

I Sam 15:3 ပူးပေါင်းရင်းမြစ်များ

Bl 36:12

Tima akăn kơnhŏng Êliphas kon drŏ-nglo Êsâu, pơjing Amalek kơ Êliphas noh sâu Adah akăn Êsâu.

II Sam 1:8

Sư jet inh; “ih bu? Inh tơl:” Inh bơngai Amalek.

Le 17:14

Kră Yang khan kơ Môis: Athei chih tơdrong 'nâu lăm sơ̆p hla bơar akar wă 'blŏk hơdơ̆r păng tơbăt ăn kơ Jôsuê Inh gô sŭt pơgoh ưh pă đei bu 'blŏk kơ bơngai Amalek lăm teh âu dơ̆ng.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Jo 24:20

Balaam kư̆m 'bôh Amalek, na roi tơbăt adrol khan: Amalek jing kơ̆l kơ đĭ-đăng teh đak; mă-lei tuch-luch sư, kư̆m gô lôch.

Jo 31:17

Thoi noh dang ei, pơlôch bĕ đĭ lu kon drŏ-nglo hơ'lơ̆p păng pơlôch đĭ hloi lu bơngai drŏ-kăn mă đei 'bĭch hăm drŏ-nglo boih;

Jôsuê 10:39

Lu sư blah iŏk pơlei noh păng lu pơlei jê̆, kư̆m rôp pơtao pơlôch hăm đao gưm păng pơlôch đĭ-đăng lu bơngai oei lăm pơlei noh ưh kơ đei lê̆ bu oei arih, sư pơm kơ kon pơlei Đêbir păng pơtao lu sư, kư̆m nhen thoi sư pơm kơ pơlei Hêbrôn pơlei Lipna hăm pơtao sư.

I Sam 14:48

Sư nuih kơtang tơblah bơngai Amalek păng dŏng pơklaih Isơrael đơ̆ng ti bơngai chă blah tơgar iŏk.

I Sam 15:18

Na, Kră Yang wơh ih năm na khan: Năm bĕ pơlôch đĭ lu bơngai pơm yoch to, noh kon pơlei Amalek păng tơblah hăm lu sư dĭng truh kơ lu iĕm pơlôch đĭ lu sư.

I Sam 15:9

Sôl păng kon pơlei achăng mơnat kơ Agak, kư̆m ưh kơ đei pơlôch lu sem dơrong mă 'lơ̆ng hloh lăm lu khŭl rơmo dah triu, rong mă bek, kon triu păng dôm lu sem dơrong 'lơ̆ng hloh, mă-lei pơlôch pơđĭ dôm lu kon sem kiơ kơnê̆ păng ưh kơ gĭt.

I Sam 22:19

Sôl pơlôch kon pơlei Nop păng đao, pơlei lu 'bok soi, bơngai drŏ-nglo păng bơngai drŏ-kăn, lu hơ'lơ̆p păng lu bơngai oei mŏm, rơmo, aseh iĕ păng triu, pơlôch đĭ-đăng păng đao.

I Sam 27:9

Rim wơ̆t Đawit blah iŏk tơring ayơ, sư ưh kơ đei lê̆ minh 'nu bơngai drŏ-nglo dah bơngai drŏ-kăn mă oei arih. Tơgar iŏk đĭ triu bơbe rơmo, aseh iĕ, lăk-đa păng lu ao tai; na, hơlơ̆k wih brŏk tơ'bơ̆p Akis.

I Sam 30:17

Đawit blah lu sư đơ̆ng pơgê hrôih năr 'noh truh tơ kơsơ̆ năr đơ̆ng rŏng; na ưh kơ đei minh 'nu bơngai bu lĕch hlôi. Lăp puăn-hrĕng 'nu bơngai tơdăm mơlôh gơh klaih hao aseh lăk-đa kơdâu ôn.