I Sam 15:20 - Sơ̆p Hlabơar Nơ̆r 'Bok Kei-Dei

²⁰ Sôl tơl nơ̆r Samuel: Mă-lei inh pơm kiơ̆ nơ̆r Kră Yang khan, inh năm pơm keh boih nơ̆r tơtă Kră Yang wơh inh năm pơm; inh chĕp ba Agak, pơtao bơngai Amalek păng pơlôch pơđĭ lu kon pơlei Amalek.

I Sam 15:20 ပူးပေါင်းရင်းမြစ်များ

Jop 33:9

‘Inh 'lơ̆ng rơgoh, ưh kơ đei pơm glăi; Inh ưh kơ đei yoch, ưh kơlah pơm yoch.

Jop 34:5

Yua kơ Jop đei khan: ‘Inh bơngai 'lơ̆ng tơpăt, Mă-lei Kră Yang 'Bok Kei-Dei ưh kơ jô̆ khan inh 'lơ̆ng tơpăt.

Jop 35:2

Ih tơchĕng ih pơma trŏ hă? Ih khan: “Inh ưh kơ pơm yoch 'bơ̆t anăp Kră Yang 'Bok Kei-Dei.”

Jop 40:8

Ih hăm pơ̆n sơngah hŭt lê̆ tơdrong Inh sek tơlang? Khan jô̆ Inh yoch wă pôk kơdih ih khan tơpăt hă?

Mathiơ 19:20

Na bơngai tơdăm ei khan: “Dôm tơdrong 'noh inh pơm kiơ̆ boih. Hăm đei tơdrong nai dơ̆ng mă inh ưh tam băt?”

Luka 10:29

Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Luka 18:11

Na 'bok bơngai Pharisi ei dơ̆ng dơ'nhơ̆ng ngoi tơ plĕnh krao khan lăm to khan: ‘Ơ 'Bok Kei-Dei, inh bơnê kơ Ih yua kơ inh ưh kơ sĭ bơngai thoi đe nai ôh. Inh ưh kơ sĭ bơngai ưh kơ tơpăt, chă pơgâm sa đe ôh. Inh ưh kơ ngôi kư̆ kă ôh. Inh kư̆m ưh kơ sĭ thoi lĕ bơngai chă iŏk jên thuê̆ 'noh ôh.

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

I Sam 15:13

Samuel năm tơ'bơ̆p Sôl; Sôl kơkuh kơ sư: Hơpơi kơ Kră Yang ăn pŭn hiôk kơ ih! Inh pơm kiơ̆ boih dôm nơ̆r đơ̆ng Kră Yang tơtă.

I Sam 15:3

Thoi noh, na năm bĕ blah kon pơlei Amalek păng pơlôch pơđĭ lu sư sem dơrong lu sư. Lu iĕm ưh kơ gơh mơnat kơ lu sư, athei pơlôch đĭ drŏ-nglo drŏ-kăn, păng lu 'lơ̆p lu nge oei mŏm, rơmo triu, lăk-đa păng aseh iĕ.

I Sam 15:8

Sư rôp arih Agak, pơtao lu bơngai Amalek; đơ̆ng noh iŏk đao pơlôch pơđĭ lu kon pơlei pơla.

I Sam 28:18

Ih ưh kơ chu kiơ̆ nơ̆r kư̆m ưh kơ pơm kiơ̆ phak lu bơngai Amalek kiơ̆ thoi tơdrong Kră Yang; hil mĭl thoi noh năr 'nâu Kră Yang pơm kơ ih thoi âu,