I Sam 15:13 - Sơ̆p Hlabơar Nơ̆r 'Bok Kei-Dei

¹³ Samuel năm tơ'bơ̆p Sôl; Sôl kơkuh kơ sư: Hơpơi kơ Kră Yang ăn pŭn hiôk kơ ih! Inh pơm kiơ̆ boih dôm nơ̆r đơ̆ng Kră Yang tơtă.

I Sam 15:13 ပူးပေါင်းရင်းမြစ်များ

Bl 14:19

Sư sơkat ăn kơ Abram đei pŭn hiôk thoi âu: “Apinh Kră Yang 'Bok Kei-Dei mă tih hloh, Kră Yang Tơ'ngla pơjing plĕnh teh, ăn tơdrong pŭn hiôk kơ Abram!

Bl 3:12

Sư tơl: “Bơngai drŏ-kăn mă Ih ăn kơ sư oei jê̆ inh noh sư ăn kơ inh sa plei 'long noh păng inh đei sa boih.”

II Sam 2:5

Đawit wơh bơngai năm ngôi hơpong tơ pơlei Jabes lăm tơring Gileat, na khan: “Hơpơi apinh Kră Yang tuh ăn pŭn hiôk kơ lu iĕm, yua kơ lu iĕm pôm đon hăm Sôl yŏng lu iĕm, na iĕm 'bŭ hơmet sư!

Tơdrông Pơđơk 27:2

Lê̆ kơ đe pơư kơ ih, kơdih akâu ih 'nĕ kơ pơma 'bơm. Lê̆ kơ đe pơư pơma, tơ'ngla ih 'nĕ yua 'bơ̆r ih kơdih ôh.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Tơdrông Pơđơk 30:13

Đei khŭl bơngai muh măt lu sư pơm pơrŏ, Tưk kơnur pơang dêh.

Tơdrông Pơđơk 31:31

Hơpah bĕ kơ sư trŏ thoi sư jang đơ̆ng tơpang ti kơdih, Ăn kơ tơdrong jang bơnê ư-ang kơ sư 'bơ̆t 'măng jang pơlei tih.

Luka 17:10

Gah tơdrong iĕm kư̆m thoi noh mơ̆n. Lăp iĕm pơm tôm tơdrong 'Bok Kei-Dei pơkă, iĕm athei khan kơ Sư thoi âu đĕch: ‘Nhôn đĭch đam Ih ưh kơ hơnhŏ kơ Ih bơnê ôh, nhôn kư̆ jang kiơ̆ kơ Ih pơkă đĕch.’ ”

Luka 18:11

Na 'bok bơngai Pharisi ei dơ̆ng dơ'nhơ̆ng ngoi tơ plĕnh krao khan lăm to khan: ‘Ơ 'Bok Kei-Dei, inh bơnê kơ Ih yua kơ inh ưh kơ sĭ bơngai thoi đe nai ôh. Inh ưh kơ sĭ bơngai ưh kơ tơpăt, chă pơgâm sa đe ôh. Inh ưh kơ ngôi kư̆ kă ôh. Inh kư̆m ưh kơ sĭ thoi lĕ bơngai chă iŏk jên thuê̆ 'noh ôh.

Lu 17:2

Sư khan kơ mĕ sư: Minh-rơbâu minh-hrĕng tơpei hu đe tơtông đơ̆ng ih; ih hiap bơngai bu iŏk jên liơ kư̆m bưh inh gô mơ̆ng; jên noh dang ei lăm ti inh, inh iŏk jên noh. Mĕ sư khan: Apinh Kră Yang tuh ăn tơdrong pŭn hiôk kơ kon dăm inh!

Ru 3:10

'Bôô khan, ơ mŏ adruh apinh Kră Yang ăn kơ ih tơdrong pŭn hiôk! Ơ mŏ adruh tơdrong ih pơm 'nâu 'lơ̆ng hloh kơ adrol, yua kơ ih ưh kơ wă kiơ̆ lu tơdăm mơlôh mă sư mơdrŏng dah dơnuh.

I Sam 13:10

Lăp kơ sư đang kơ pơyơ̆r na blư kơ Samuel truh. Sôl sư kơdâu lĕch wă sơng kơkuh kơ sư.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

I Sam 15:20

Sôl tơl nơ̆r Samuel: Mă-lei inh pơm kiơ̆ nơ̆r Kră Yang khan, inh năm pơm keh boih nơ̆r tơtă Kră Yang wơh inh năm pơm; inh chĕp ba Agak, pơtao bơngai Amalek păng pơlôch pơđĭ lu kon pơlei Amalek.

I Sam 15:9

Sôl păng kon pơlei achăng mơnat kơ Agak, kư̆m ưh kơ đei pơlôch lu sem dơrong mă 'lơ̆ng hloh lăm lu khŭl rơmo dah triu, rong mă bek, kon triu păng dôm lu sem dơrong 'lơ̆ng hloh, mă-lei pơlôch pơđĭ dôm lu kon sem kiơ kơnê̆ păng ưh kơ gĭt.

I Sam 23:21

Sôl tơl: Hơpơi kơ Kră Yang ăn pŭn hiôk kơ lu iĕm, yua kơ lu iĕm đei jơhngơ̆m băt mơnat kơ inh!

I Sam 25:14

Đei minh 'nu bơngai đĭch roi ăn kơ Abigail, Akăn Nabal: Đawit đei wơh lu bơngai đơ̆ng char glă năm tơ'bơ̆p yŏng tơ'ngla lu nhôn, mă-lei Nabal pơma re kơ lu sư.