I Sam 14:33 - Sơ̆p Hlabơar Nơ̆r 'Bok Kei-Dei

³³ Đei bơngai năm roi kơ Sôl: Kon pơlei pơm yoch hăm Kră Yang, sa 'nhĕm hrâu hăm pham. Sư tơl: 'Noh boih minh tơdrong yoch trăp dêh hăm Kră Yang: Athei jah tơlơ̆ hloi tơmo tih ăn tơ jê̆ inh.

I Sam 14:33 ပူးပေါင်းရင်းမြစ်များ

Bl 9:4

Mă-lei lu iĕm 'nĕ kơ sa 'nhĕm lu kon sem mă đei bơhngol arih, wă khan oei đei pham.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 19:26

Lu iĕm 'nĕ kơ sa 'nhĕm mă oei đei pham, 'nĕ kơ pơm pơjâu chă tơwir lăng tơdra.

Lêwi 7:26

Tơ anih ayơ mă lu iĕm oei, lu iĕm 'nĕ kơ sa pham lu sem păr dah lu sem bri.

Lêwi 7:27

Bu mă sa lu pham noh đe gô puh tơlĕch sư đơ̆ng lăm kon pơlei sư kơdih.

Mathiơ 7:5

Ơ bơngai 'bơ̆r đak klak ŭnh, iĕm iŏk tŭk 'long tih đom lăm klong măt iĕm 'mơ̆i na iĕm gơh 'bôh hơdah iŏk tŭk 'bruih iĕ đom lăm klong măt 'nhŏng oh iĕm.

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Both 12:16

Mă-lei lu iĕm 'nĕ kơ sa pham; athei tuh hŭt lê̆ tơ teh thoi tuh hŭt đak.

Both 12:23

Mă-lei athei kơchăng, 'nĕ kơ sa pham; yua kơ pham đei tơdrong arih, lei na ưh kơ gơh ôh sa tơdrong arih hơdai hăm 'nhĕm.

Both 15:23

Mă-lei iĕm 'nĕ kơ sa pham sư; athei tuh hŭt lê̆ pham noh tơ teh thoi tuh đak.

I Sam 14:34

Sư khan dơ̆ng: Athei năm jơ̆p kơ khŭl lu linh roi tơbăt kơ rim 'nu athei anhăk ba triu rơmo sư tơ inh păng pơlôch tơ âu. Sa 'nhĕm 'noh 'nĕ kơ sa 'nhĕm oei pham pơm yoch hăm Kră Yang. Lăm măng 'noh rim 'nu anhăk ba sem dơrong đơ̆ng kơdih sư păng pơlôch 'bơ̆t kơpal tơmo.