I Sam 14:16 - Sơ̆p Hlabơar Nơ̆r 'Bok Kei-Dei

¹⁶ Lu linh gak pơtao Sôl tơ pơlei Gibêah lăm dêh Bênjamin, dai 'bôh kon pơlei Philistin kơdâu tơklah tơklang bơsuơ̆t bơsuăt.

I Sam 14:16 ပူးပေါင်းရင်းမြစ်များ

Horiso 58:7

Ăn kơ lu sư hiong, thoi đak pơhoch! Dah sư tah 'brơ̆m rĕng, pơm kơ 'brơ̆m noh tŭl.

Horiso 68:2

'Nhui đông hach thoi yơ, Kră Yang gô pơm kơ lu sư hach thoi noh mơ̆n; Kŭm thoi jrĕnh lek kơ ŭnh thoi yơ, Dôm lu bơngai kơnê̆ gô lôch 'bơ̆t anăp Kră Yang 'Bok Kei-Dei thoi noh mơ̆n.

Êsai 19:2

“Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Lu 7:22

Kơplah lu sư hlôm pêng-hrĕng tŏ tơgiĕp, Kră Yang pơm lu linh Miđian iŏk đao gưm 'bet pơlôch băl tơduă. Păng đĭ-đăng khŭl linh pơlôch băl tơduă Khŭl linh kơdâu ôn hlôi truh tơ pơlei Bet Sita tơklă char Sêrêra, păng truh tơ hơdral pơlei Abel Mêhôla jê̆ pơlei Tabat.

I Sam 14:15

Đĭ-đăng linh lăm kơđông dah tơ 'nguaih hli tơrơ ngăl. Linh lăm lu kơđông nai păng lu bơngai chă blah tơgar iŏk kư̆m hli tơrơ; đei teh tơdrŏ, noh rai pơm kơ đe hli tơrơ noh đơ̆ng Kră Yang 'Bok Kei-Dei.

I Sam 14:17

Sôl khan kơ lu linh oei hơdai sư: Chă lăng lăng đe bu mă weh đơ̆ng anih bơ̆n, lu sư chơchă lăng lăng 'bôh ưh kơ tơm, bre Jônathan hăm bơngai chĕp tơmam tơblah sư.

I Sam 14:20

'Bơ̆t noh, Sôl akŭm đĭ-đăng lu linh oei hơdai sư, năm tơ anih tơblah, na 'bôh bơngai Philistin toh đao pơlôch dih băl bơsuơ̆t bơsuăt krưp dêh.