I Sam 14:14 - Sơ̆p Hlabơar Nơ̆r 'Bok Kei-Dei

¹⁴ 'Bơ̆t tơblah 'măng blŭng 'nâu, bre Jônathan pơlôch dang 'bar-jĭt 'nu, lăm anih teh să dang pêng-hrĕng tơdrâu-jĭt hlŏk wơ̆t tor.

I Sam 14:14 ပူးပေါင်းရင်းမြစ်များ

II Sam 17:9

Băt dang ei sư oei ôn lăm trôm hơgơp ayơ dah lăm anih ayơ nai. Tơdah đei bơngai lăm khŭl bơ̆n lôch 'bơ̆t năr tơblah blŭng-a, bu bu kơtơ̆ng kư̆m gô khan: ‘Khŭl linh kiơ̆ Apsalôm thuơ boih.’

Lu 15:15

Sư 'bôh kơting kang aseh iĕ bri 'nao lôch; sư dônh chĕp kơting kang aseh noh teh pơlôch minh-rơbâu 'nu bơngai Philistin.

Lu 9:54

Na sư krao bơngai chĕp khêl dao sư păng khan: Toh bĕ đao ih pơlôch inh, kơnh đe khan: Minh 'nu bơngai drŏ-kăn pơlôch sư! Thoi noh bơngai noh 'bet sư hloi na sư lôch.

I Sam 14:13

Jônathan yua jơ̆ng ti sư hao tŏk tơ kơpal păng bơngai chĕp tơmam tơblah sư tŏk kiơ̆ Jônathan teh bơngai Philistin pơ̆k 'bơ̆t anăp Jônathan păng bơngai chĕp tơmam tơblah sư pơlôch lu sư đĭ.

I Sam 14:15

Đĭ-đăng linh lăm kơđông dah tơ 'nguaih hli tơrơ ngăl. Linh lăm lu kơđông nai păng lu bơngai chă blah tơgar iŏk kư̆m hli tơrơ; đei teh tơdrŏ, noh rai pơm kơ đe hli tơrơ noh đơ̆ng Kră Yang 'Bok Kei-Dei.