I Sam 14:13 - Sơ̆p Hlabơar Nơ̆r 'Bok Kei-Dei

¹³ Jônathan yua jơ̆ng ti sư hao tŏk tơ kơpal păng bơngai chĕp tơmam tơblah sư tŏk kiơ̆ Jônathan teh bơngai Philistin pơ̆k 'bơ̆t anăp Jônathan păng bơngai chĕp tơmam tơblah sư pơlôch lu sư đĭ.

I Sam 14:13 ပူးပေါင်းရင်းမြစ်များ

Horiso 18:29

Đơ̆ng Ih tơgŭm inh gô kĕ đơ̆ng lu tơpôl linh ayăt. Gơnang kơ Kră Yang 'Bok Kei-Dei inh, đei pơplŏng hlôi kơ dur.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 28:7

Kră Yang gô ăn kơ lu iĕm iung blah hăm bơngai ayăt jei iĕm, lu sư yak minh trong năm blah iĕm, mă-lei gô kơdâu ôn lĕch yak tơpơh trong kơdâu ôn 'bơ̆t anăp lu iĕm.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Hêbrơ 11:34

Mă đe tah sư tơ lăm pla ŭnh tih, ŭnh huay kơ sa sư ôh. Đe wă koh pơlôch sư tơpă boih, mă-lei đei 'Bok Kei-Dei tơdŏng. Hơdrol lu sư tơrăn, đơ̆ng rŏng lu sư jing pran, blah pơpuh tŭk lu linh dêh đe mă ayăt kơ lu sư.

Jôsuê 23:10

Minh 'nu lăm lu iĕm gơh pơpuh rơbâu 'nu ayăt; yua kơ Kră Yang 'Bok Kei-Dei lu iĕm tơblah ăn kơ lu iĕm, thoi Sư đei pơkă boih.

Lu 9:54

Na sư krao bơngai chĕp khêl dao sư păng khan: Toh bĕ đao ih pơlôch inh, kơnh đe khan: Minh 'nu bơngai drŏ-kăn pơlôch sư! Thoi noh bơngai noh 'bet sư hloi na sư lôch.

I Sam 14:12

Linh lăm kơđông pơma kơ Jônathan hăm bơngai chĕp tơmam tơblah sư 'noh khan: Năm tơ âu bĕ, nhôn tơ'bôh ăn kơ măr iĕm, băt tơdrong Jônathan pơma hăm bơngai chĕp tơmam tơblah sư khan: Kiơ̆ mă jê̆ inh, yua kơ Kră Yang pơjao lu sư tơ lăm ti bơngai Isơrael boih.

I Sam 14:14

'Bơ̆t tơblah 'măng blŭng 'nâu, bre Jônathan pơlôch dang 'bar-jĭt 'nu, lăm anih teh să dang pêng-hrĕng tơdrâu-jĭt hlŏk wơ̆t tor.