I Sam 14:12 - Sơ̆p Hlabơar Nơ̆r 'Bok Kei-Dei

¹² Linh lăm kơđông pơma kơ Jônathan hăm bơngai chĕp tơmam tơblah sư 'noh khan: Năm tơ âu bĕ, nhôn tơ'bôh ăn kơ măr iĕm, băt tơdrong Jônathan pơma hăm bơngai chĕp tơmam tơblah sư khan: Kiơ̆ mă jê̆ inh, yua kơ Kră Yang pơjao lu sư tơ lăm ti bơngai Isơrael boih.

I Sam 14:12 ပူးပေါင်းရင်းမြစ်များ

Bl 24:42

Năr âu kơplah inh truh tơ đak sơlŭng noh, inh đei apinh thoi âu: ‘Kră Yang 'Bok Kei-Dei yŏng tơ'ngla inh Abraham! Apinh ih lăng păng tơgŭm kơ tơdrong inh năm âu gô jing!

Bl 24:48

Đơ̆ng noh inh drap bon tơ teh 'bơ̆t anăp Kră Yang, kơkuh bơnê kơ Kră Yang 'Bok Kei-Dei yŏng tơ'ngla inh Abraham, đei chông ba inh boih lăm trong trŏ tơpăt tơ hnam dơnŏ oh drŏ-nglo yŏng tơ'ngla inh wă chă ăn akăn kơ kon drŏ-nglo sư.

II Sam 5:24

'Bơ̆t kơplah mă ih kơtơ̆ng jơ̆ng yak lăm kơdrơ̆ng 'long hơngo bri ih athei năm blah hloi, yua kơ 'bơ̆t kơplah noh Kră Yang năm adrol kơ ih blah lu linh Philistin.”

II Pot 14:8

Thoi noh Amasia wơh bơngai năm tơ Jêhôas, kon drŏ-nglo Jêhôahas, sâu Jêhu, pơtao đe Isơrael, na khan: “Năm tơ âu, bơ̆n tơblah băl lăng.”

Lu 4:14

Đêbôra pơma hăm Barak khan: Iung bĕ! Năr 'nâu boih năr mă Kră Yang pơjao Sisêra lăm ti ih. Hăm trŏ kơ Kră Yang năm adrol kơ ih? Thoi noh na Barak jur đơ̆ng kông Tabôr, đei mơjĭt-rơbâu 'nu bơngai kiơ̆ sư.

Lu 7:14

Buăl sư mơ̆ng hloi khan, tơpă noh đao gưm Giđêôn, kon drŏ-nglo Jôas, bơngai Isơrael. Kră Yang 'Bok Kei-Dei pơjao boih bơngai Miđian păng đĭ-đăng lu linh lăm kơđông tơ lăm tơpang ti sư.

Lu 7:15

Lăp Giđêôn kơtơ̆ng roi kơ tơdrong apo păng kơtơ̆ng nơ̆r tơlang kơ tơdrong apo noh, na sư drap kơkuh kơ Kră Yang 'Bok Kei-Dei. Na sư wih brŏk tơ kơđông linh bơngai Isơrael păng khan: Iung bĕ, yua kơ Kră Yang pơjao boih linh bơngai Miđian lăm ti lu iĕm!

Lu 9:54

Na sư krao bơngai chĕp khêl dao sư păng khan: Toh bĕ đao ih pơlôch inh, kơnh đe khan: Minh 'nu bơngai drŏ-kăn pơlôch sư! Thoi noh bơngai noh 'bet sư hloi na sư lôch.

I Sam 14:10

Na dah lu sư pơma khan: Năm tơ nhôn bĕ; lei ba gô năm; noh băt tơdra kơ Kră Yang gô pơjao lu sư tơ lăm ti ba boih.

I Sam 14:13

Jônathan yua jơ̆ng ti sư hao tŏk tơ kơpal păng bơngai chĕp tơmam tơblah sư tŏk kiơ̆ Jônathan teh bơngai Philistin pơ̆k 'bơ̆t anăp Jônathan păng bơngai chĕp tơmam tơblah sư pơlôch lu sư đĭ.