I Sam 14:10 - Sơ̆p Hlabơar Nơ̆r 'Bok Kei-Dei

¹⁰ Na dah lu sư pơma khan: Năm tơ nhôn bĕ; lei ba gô năm; noh băt tơdra kơ Kră Yang gô pơjao lu sư tơ lăm ti ba boih.

I Sam 14:10 ပူးပေါင်းရင်းမြစ်များ

Bl 24:14

Adruh ayơ, mưh inh pơma thoi âu: ‘Apinh ih pơgling ge, asong inh nhă tŏ sĕt,’ na sư tơl thoi âu: He nhă bĕ, na kư̆m lê̆ kơ inh pơnhă ăn kơ aseh lăk-đa ih hai adruh mă Kră Yang wă ăn pơm akăn Isăk, đĭch đam ih păng đơ̆ng noh inh đei băt kơ Kră Yang đei mơnat kơ yŏng tơ'ngla inh boih.”

II Pot 20:9

Êsai tơl: “'Nâu bơih tơdra mă Kră Yang ăn kơ ih, Sư gô pơm pơkeh nơ̆r Sư hlôi pơkă. Ih wă kơ 'bôh yơ̆p ngôi păk tơ anăp mơjĭt yak dah wă kơ păk hơlơ̆k tơ rŏng mơjĭt yak?”

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Lu 6:36

Giđêôn pơma dơnuh hăm Kră Yang 'Bok Kei-Dei: Tơdah Ih wă yua inh dŏng pơklaih lu bơngai Isơrael, thoi nơ̆r Ih đei khan boih,

Lu 7:11

Ih mơ̆ng lu sư pơma, na đei jơhngơ̆m nuih jur blah iŏk kơ kơđông lu sư. Thoi noh Giđêôn hăm Phura đĭch đam sư, năm jê̆ anih linh gak kơđông.

I Sam 10:7

Kơplah ih 'bôh dôm tơdrong tơdra âu truh, na ih athei pơm kiơ̆ trŏ dôm tơdrong sư tơ'bôh. Ih gô băt Kră Yang 'Bok Kei-Dei oei hơdai ih!

I Sam 14:9

Tơdah lu sư khan: Pơ̆ng tơ noh gô nhôn năm tơ măr iĕm, lei ba gô dơ̆ng 'bơ̆t anih ba ưh kơ năm tơ lu sư.