I Sam 13:6 - Sơ̆p Hlabơar Nơ̆r 'Bok Kei-Dei

⁶ Đe Isơrael mơn 'bôh lu sư hli hơmơt dêh. Yua kơ lu bơngai ayăt tŭn gơhret rai jê̆ bơih. Na lu đe Isơrael kơdâu ôn tơ lăm hơgơp tơmo, lăm bri kơdrơ̆ng lăm sơlŭng păng lăm trôm teh.

I Sam 13:6 ပူးပေါင်းရင်းမြစ်များ

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

Êsai 42:22

Mă-lei kon pơlei Sư đe tơtông, đe tơgar iŏk, Đĭ-đăng lu sư huŏng lăm sơlŭng păng đe chĭt ôn lăm sơlŭng jrŭ, lu sư jing tơmam đe tơtông iŏk. Mă ưh kơ đei bu dŏng pơklaih lu sư, mă ưh kơ đei bu khan: “Pơdrâu kơ Inh wă!”

Je 41:9

Ismael kon drŏ-nglo Nethania, klơ̆m lê̆ akâu lu bơngai sư pơlôch tơ lăm sơlŭng Gêđalia mă pơtao Asa sir, wă găn Baasa, pơtao Isơrael. Ismael kon drŏ-nglo Nethania klơ̆m lu akâu bơngai mă đêl sư pơlôch, 'bĕnh kơ sơlŭng să noh.

Êsêkiên 33:27

Khan bĕ kơ lu sư tơdrong âu: Kră Yang khan Thoi Inh mă arih, lu bơngai lăm anih răm rai gô lôch kơ đao; Lu bơngai oei lăm kơđông dah lăm hơlŭng gô lôch kơ jĭ hơbuh, lu bơngai oei lăm bri brah gô pơm tơmam sa kơ lu sem bri.

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

Hêbrơ 11:38

Jô̆ gah tơdrong pơm 'lơ̆ng tơpăt, lu sư 'lơ̆ng hloh kơ đĭ-đăng bơngai ala teh, pă rŏ kơ lu sư oei tơ teh âu, mă-lei lu sư oei oăi tơ tơmăn glă, tơ kông krang hang nak, tơ gơp tơmo.

Jôsuê 8:20

Lu bơngai drŏ-nglo pơlei Ahi wih lăng tơ rŏng 'bôh đei 'nhui ŭnh đe soh pơlei đông tơ kơpal plĕnh. Mă-lei lu sư đĭ pă gơh kơdâu gah yơ, yua kơ lu linh Isơrael mă kơdâu boih tơ lăm thŭng wih tơ rŏng blah lu bơngai mă druh lu sư.

Lu 10:9

Kon pơlei Ammôn kư̆m tŏk kơ đak Krong Jôrđăn, năm blah lu bơngai Juđa, lu bơngai Bênjamin păng lu bơngai Êphraim; lu bơngai Isơrael đei tơdrong pơmat-tat tih tơpă.

Lu 20:41

Kơplah noh, lu bơngai Isơrael sư wơ̆t tơ rŏng tơblah mă gah lu bơngai Bênjamin lu sư rai hli tơrơ, yua kơ lu 'bôh tơdrong gleh răm wă truh tơ lu sư.

Lu 6:2

Lu bơngai Miđian blah lu bơngai Isơrael jei lu sư; yua kơ lu bơngai Isơrael hli kơ lu bơngai Miđian na lu bơngai Isơrael kơdâu ôn oei tơ kông kŏ, lăm sơlŭng lăm hơgơp tơmo dah chă ôn tơ lăm lu pơlei kơjăp.

I Sam 13:15

Samuel iung, lê̆ Gilgal năm truh tơ Gibêah lăm tơring Bênjamin, na Sôl jơ̆ lăng kon pơlei oei hăm sư, dang pă tơdrâu-hrĕng 'nu.

I Sam 14:11

Thoi noh na măr sư năm tơ kơđông bơngai Philistin, tơ'bôh akâu bre sư. Bơngai Philistin pơma tơduă: Lăng to lu bơngai Hêbrơ lĕch đơ̆ng hơgơp tơmo anih mă lu sư ôn.

I Sam 14:22

Kơplah 'noh đĭ-đăng bơngai Isơrael oei ôn lăm groi kông Êphraim, kơtơ̆ng khan bơngai Philistin thuơ kơdâu, kư̆m wang druh blah lu linh ayăt 'noh.

I Sam 23:19

Kon pơlei Sip tŏk năm tơ Sôl tơ Gibêah, na roi: Đawit ôn tơ lăm lu nhôn tơ lăm bri, Hơres kơpal groi Hakila, oei tơ gah gơal Jêsimôn.

I Sam 24:3

Sôl năm truh 'bơ̆t jê̆ anih hơdrong bơbe triu, tơ noh đei minh pơm hơgơp tơmo; Sôl mơ̆t lăm noh năm wă kơ chă bơyơ̆ng. Na, Đawit hăm lu bơngai kiơ̆ sư oei tơ lăm hơgơp jrŭ.

I Sam 31:7

Kơplah lu bơngai Isơrael oei pah to pŭng-lŭng păng pah to Krong Jôrđăn, 'bôh lu linh bơngai Isơrael kơdâu ôn, Sôl păng pêng 'nu kon drŏ-nglo sư lôch boih, na achăng lê̆ lu pơlei sư kơdih na năm kơdâu ôn; na lu kon pơlei bơngai Philistin truh iŏk oei tơ lăm lu pơlei noh.

I Sam 7:7

Wă lu bơngai Philistin kơtơ̆ng khan lu bơngai Isơrael akŭm tơ Mispa, na lu yŏng pơgơ̆r lu sư năm blah bơngai Isơrael, lu bơngai Isơrael kơtơ̆ng khan tơdrong âu, lu sư hli kơ lu bơngai Philistin.