I Sam 12:4 - Sơ̆p Hlabơar Nơ̆r 'Bok Kei-Dei

⁴ Lu sư tơl: Ih ưh kơ đei hơlĕnh lu nhôn ôh, ưh kơ đei tôn teh lu nhôn păng ưh kơ đei iŏk sa pơgâm đơ̆ng ti đe bu ôh.

I Sam 12:4 ပူးပေါင်းရင်းမြစ်များ

Da 6:4

Bre kơiĕng pơtao păng lu yŏng pơgơ̆r tơring chă đon wă 'maih pơrăm, kêng Đaniel lăm tơdrong pơgơ̆r teh đak. Mă-lei lu sư chă ưh kơ đei tơdrong kiơ wă kơ gơh kêng, kư̆m ưh kơ đei minh tơdrong kơnê̆ kiơ sư pơm, yua kơ sư jing minh 'nu bơngai tơnăp tơpăt ưh kơ đei tơdrong hơlĕnh păng kư̆m ưh kơ đei minh tơdrong kơnê̆ kiơ.

Hêbrơ 11:33

Lu sư đei đon lui tơpă, na lu sư kĕ blah iŏk lơ teh đak noh nai. Lu sư bơngai pơgơ̆r tơpăt ling-lang, lu sư 'bôh tơpă boih tơdrong 'Bok Kei-Dei pơkă wă ăn kơ lu sư noh. Lăm lu sư kư̆m đei gơh pơŏm 'bơ̆r kiĕk.

III Yo 1:12

Gah 'bok Đêmêtrơs, đĭ-đăng bơngai băt kơ sư 'lơ̆ng tơpăt. Sư pơm tôm tơdrong 'lơ̆ng tơpăt na bơ̆n băt sư kiơ̆ tơdrong 'Bok Kei-Dei tơpă. Mă nhôn kư̆m khan sư bơngai 'lơ̆ng tơpăt mơ̆n; păng ih kư̆m băt nhôn pơma tơpăt ling-lang.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

I Sam 12:5

Sư khan dơ̆ng: Kră Yang pơm kơdranh kơ iĕm; bơngai mă Sư tuh đak rơmă kư̆m pơm kơdranh kơ iĕm ưh kơ đei 'bôh kiơ lăm ti inh. Lu sư tơl: Hơpơi kơ Kră Yang pơm kơdranh kơ bơ̆n.