I Sam 12:13 - Sơ̆p Hlabơar Nơ̆r 'Bok Kei-Dei

¹³ Dang ei, 'nâu pơtao lu iĕm mă đei rơih iŏk păng đei apinh. Kră Yang ăn kơ lu iĕm pơtao wă pơgơ̆r lu iĕm.

I Sam 12:13 ပူးပေါင်းရင်းမြစ်များ

Hôsia 13:11

Inh ăn pơhil boih kơ lu iĕm minh 'nu pơtao, păng yua kơ Inh hil na inh pơdrâu lê̆.

Jang 13:21

“Đơ̆ng noh lu bơngai Isơrael apinh 'Bok Kei-Dei ăn kơ lu sư đei minh 'nu bơngai wă pơm pơtao lu sư. Na 'Bok Kei-Dei ăn kơ lu sư 'bok Sôl pơm pơtao lu sư. Sôl ei sư kon 'bok Kis, sư bơngai đơ̆ng adrĕch adrung 'bok Bênjamin. Sư pơgơ̆r puăn-jĭt sơnăm.

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!

I Sam 11:15

Đĭ-đăng kon pơlei wang năm tơ Gilgal; tơ ei, 'bơ̆t anăp Kră Yang lu sư pơk Sôl pơm pơtao. Tơ ei lu sư pơyơ̆r tơmam soi bơnê kơ Kră Yang. Đơ̆ng noh, Sôl păng đĭ-đăng kon pơlei Isơrael et sa chơt hiôk pă băt dang yơ.

I Sam 12:17

Năr âu, hăm trŏ kơ bơyan kĕch 'ba mi dah kiơ? Inh gô krao khan kơ Kră Yang tơpă đơ̆ng lăm jơhngơ̆m; Sư gô ăn 'mi grơ̆m glaih, wă kơ lu iĕm băt păng 'bôh kơdih iĕm đei pơm yoch tih 'bơ̆t anăp Kră Yang, yua kơ iĕm apinh bơih minh 'nu pơtao.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.

I Sam 8:5

Lu sư khan kơ sư: Ih đĭ kră pă kĕ bơih na bre kon drŏ-nglo ih ưh kơ rok thoi ih. Lei na apinh ih chă ăn kơ lu nhôn minh 'nu pơtao wă kơ pơgơ̆r lu nhôn, thoi lu adrĕch adrung nai mă đei pơtao pơgơ̆r.

I Sam 9:20

Gah lu aseh iĕ akăn mă ih chă ưh kơ 'bôh đĭ pêng năr kơ 'nâu noh, ih 'nĕ pă hiơ̆k yua kơ đei chă 'bôh bơih. Lu bơngai Isơrael hơpơi chă noh bu? Hăm trŏ kơ ih păng đĭ kơ hnam dơnŏ 'bă ih ưh?