I Sam 11:9 - Sơ̆p Hlabơar Nơ̆r 'Bok Kei-Dei

⁹ Sư khan kơ bơngai đe wơh năm đơ̆ng pơlei Jabes lăm char Gileat: Năm roi bĕ: 'Năr dơ̆ng tŏ dơning, lu iĕm gô đei tơdrong dŏng pơklaih. Lu bơngai đe wơh ei wih brŏk roi dôm nơ̆r ei kơ kon pơlei Jabes. Kon pơlei kơtơ̆ng thoi ei na lu sư chơt hiôk,

I Sam 11:9 ပူးပေါင်းရင်းမြစ်များ

II Sam 2:5

Đawit wơh bơngai năm ngôi hơpong tơ pơlei Jabes lăm tơring Gileat, na khan: “Hơpơi apinh Kră Yang tuh ăn pŭn hiôk kơ lu iĕm, yua kơ lu iĕm pôm đon hăm Sôl yŏng lu iĕm, na iĕm 'bŭ hơmet sư!

I Ho 10:12

na lu sư minh jơhngơ̆m minh đon hơdai iung năm tŏk tơtông iŏk akâu pơtao Sôl păng akâu lu kon drŏ-nglo sư chĕp wih tơ Jabes, 'bŭ kơting lu sư tơ ala tơm 'long kôih tơ Jabes, lu sư grong ơ̆t kơ sŏng sa tơpơh năr.

Horiso 18:17

Sư dŏng pơklaih inh đơ̆ng lu ayăt mă pran kơtang. Đơ̆ng lu bơngai areh kơ inh, yua kơ lu sư pran hloh kơ inh.

Lu 21:8

Đơ̆ng noh lu sư khan? Lăm dôm lu bơngai Isơrael bơngai bu ưh kơ đei năm dơ̆ng 'bơ̆t anăp Kră Yang tơ Mispa? Đơ̆ng pơlei Jabes tơ Gileat ưh kơ đei bu năm akŭm hơdai lăm năr noh.

I Sam 11:10

păng năm khan kơ Nahas pơtao Ammôn: Năr dơning lu nhôn kŭp kơ̆l yơ̆r ti kơ iĕm, lu iĕm wă pơm kiơ kơ lu nhôn mơ̆ng kơ iĕm wă.

I Sam 11:8

Sôl akŭm lu sư tơ pơlei Bêsek; bơngai Isơrael pêng-hrĕng rơbâu, bơngai Juđa pêng-jĭt rơbâu 'nu.

I Sam 31:11

Lu kon pơlei Jabes mă oei tơ Gileat băt kơ tơdrong mă kon pơlei Philistin pơm kơ Sôl.