I Sam 11:11 - Sơ̆p Hlabơar Nơ̆r 'Bok Kei-Dei

¹¹ Mă-lei pơgê dơning, Sôl klah asong kon pơlei pơm pêng khŭl, năm blah đe Ammôn păng pơlôch đĭ lu sư dĭng truh tơ 'năr dơ̆ng. Lu kon pơlei Ammôn kơdâu hơlah hơlang kơdih kơdih.

I Sam 11:11 ပူးပေါင်းရင်းမြစ်များ

Bl 22:14

Abraham krao anih noh Kră Yang Jirêa đơ̆ng noh, na dang ei đei nơ̆r khan: “Tơ kơpal kông Kră Yang gô đei hơmet ăn.”

II Sam 18:2

Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.

Lu 4:16

Barak druh kiơ̆ gre aseh păng khŭl linh dĭng truh tơ Harôsêt Hagôim păng đĭ-đăng lu linh Sisêra đe pơlôch hăm đao gưm ưh pă đei lê̆ minh 'nu bơngai bu.

Lu 7:16

Sư klah asong pêng-hrĕng 'nu bơngai noh pơm pêng khŭl, sư asong ăn kơ rim 'nu bơngai linh chĕp tơgiĕp păng bơ̆i hoh lăm noh tah minh hơchô̆ hơpaih wă tơ̆k.

Lu 7:20

Pêng khŭl linh noh hlôm tơgiĕp păng teh pơchah bơ̆i tah ŭnh; ti gah 'ngiĕo lu sư yơ̆r chĕp ŭnh, ti gah 'ma lu sư chĕp tơgiĕp hlôm; na lu sư jreo khan: Toh đao bĕ. Yua kơ Kră Yang păng yua kơ Giđêôn!

Lu 9:43

Na sư krao klah asong lu linh sư pơm pêng khŭl, wă năm răp tơ bri. Lu sư lăng 'bôh lu kon pơlei lĕch đơ̆ng pơlei, na lu sư iung năm wang blah pơlôch lu đe noh.

I Sam 11:2

Nahas pơtao bơngai Ammôn tơl: Inh gô kĭ pơgơ̆p hăm lu iĕm kiơ̆ thoi âu: Ăp kơ đĭ-đăng lu iĕm ăn kơ inh kuek lê̆ măt minh pah gah 'ma, wă pơm mơlâu kơ đĭ-đăng bơngai Isơrael.

I Sam 14:47

Đơ̆ng rŏng kơ Sôl pơm pơtao pơgơ̆r teh đak Isơrael, na sư tơblah hăm bơngai ayăt kơ sư puăn pah, wă khan sư tơblah hăm bơngai Môap, Ammôn, Eđôm, lu pơtao Sôba păng hăm bơngai Philistin; sư tơblah tơ yơ, kư̆m jei sư ngăl.