I Sam 11:1 - Sơ̆p Hlabơar Nơ̆r 'Bok Kei-Dei

¹ Nahas, pơtao bơngai Ammôn, pơgơ̆r lu linh năm wang dăr pơlei Jabes lăm Gileat. Đĭ-đăng kon pơlei lăm Jabes năm apinh Nahas: Apinh ih ăn kơ nhôn kĭ pơgơ̆p hăm ih, na lu nhôn gô bơ̆jang kơ ih.

I Sam 11:1 ပူးပေါင်းရင်းမြစ်များ

Bl 26:28

Lu sư tơl thoi âu: Lu nhôn 'bôh nhen boih Kră Yang đei tơgŭm dŏng ih, na nhôn pơđâu băl: Athei đei nơ̆r pơkăm đơ̆ng lu nhôn hăm ih, wă kơ lu bơ̆n pơgơ̆p pôm đon hơdai.

II Sam 10:1

Đơ̆ng rŏng kơ pơtao bơngai Ammôn lôch, na Hanun kon drŏ-nglo sư pơgơ̆r, pơtrơp sư.

II Sam 10:2

Đawit khan: “Inh 'maih pơm hiôk hăm Hanun, kon drŏ-nglo Nabas, kư̆m thoi 'bă sư hlôi pơm 'lơ̆ng kơ inh boih” Đawit wơh đĭch đam sư năm ngôi pơlung pơtao Hanun gah tơdrong 'bă sư lôch. Lu đĭch đam Đawit năm truh tơ lăm dêh char kon pơlei Ammôn.

II Sam 17:27

Lăp pơtao Đawit truh tơ pơlei Mahanaim, na Sôbi kon drŏ-nglo Nahas đơ̆ng pơlei Rapba kon pơlei Ammôn Makir kon drŏ-nglo Ammiel đơ̆ng pơlei Lôdêbar păng Barsilai bơngai Gileat đơ̆ng pơlei Rôgelim,

II Sam 2:5

Đawit wơh bơngai năm ngôi hơpong tơ pơlei Jabes lăm tơring Gileat, na khan: “Hơpơi apinh Kră Yang tuh ăn pŭn hiôk kơ lu iĕm, yua kơ lu iĕm pôm đon hăm Sôl yŏng lu iĕm, na iĕm 'bŭ hơmet sư!

I Pot 20:34

Ben Hadat khan kơ Ahap: “Inh gô pơdrâu ăn kơ ih dôm lu pơlei mă 'bă inh tơgar iŏk đơ̆ng 'bă ih. Ih gô pơm hnam mơdro sa tih tơ lăm Pơlei Đamas, kư̆m thoi 'bă inh đei pơm bơih tơ lăm Pơlei Samari.” Ahap tơl: “Gah inh, gô drơ̆ng ăn kơ ih brŏk kiơ̆ thoi nơ̆r ih pơkă 'nâu.” Thoi noh Ahap pơkă pơkăm pơgơ̆p hăm 'Ben Hadat, đơ̆ng noh ăn kơ Ben Hadat brŏk.

I Ho 10:11

Lăp kon pơlei Jabes Gileat kơtơ̆ng dôm tơdrong kon pơlei Philistin pơm kơ Sôl,

I Ho 10:12

na lu sư minh jơhngơ̆m minh đon hơdai iung năm tŏk tơtông iŏk akâu pơtao Sôl păng akâu lu kon drŏ-nglo sư chĕp wih tơ Jabes, 'bŭ kơting lu sư tơ ala tơm 'long kôih tơ Jabes, lu sư grong ơ̆t kơ sŏng sa tơpơh năr.

Jop 41:4

Dah apinh pơgơ̆p hăm ih, wă bơ̆jang kơ ih đĭ chăl arih ưh?

Le 23:32

Ih 'nĕ kơ pơgơ̆p hăm lu sư, dah hăm yang lu sư.

Êsai 36:16

'Nĕ pă mơ̆ng pơtao Hesekia, 'nâu nơ̆r pơtao Asiri pơma khan: Pơm hiôk hăm inh păng yơ̆r ti kơ inh bĕ, na lu iĕm mă bu bu kư̆m gô đei sa plei hơra, plei hơmu iĕm kơdih păng nhă đak sơlŭng iĕm kơdih,

Je 40:11

Đĭ-đăng bơngai Juđa oei lăm char Môap, Ammôn, lăm char Eđôm păng oei lăm dêh char nai kư̆m kơtơ̆ng pơtao Babilôn kư̆m oei lê̆ kon pơlei oei lăm char Juđa, na pơtao pôk Gêđalia, kon drŏ-nglo Ahikam sâu Saphan, pơm yŏng pơgơ̆r lu sư.

Je 40:14

khan kơ sư: “Ih hăm băt Baalis pơtao Ammôn wơh Ismael kon drŏ-nglo Nethania năm pơlôch ih?” Mă-lei Gêđalia, kon drŏ-nglo Ahikam, ưh kơ lui kơ nơ̆r lu sư.

Êsêkiên 17:13

Pơtao rôp minh 'nu lăm adrĕch pơtao, pơgơ̆p hăm sư, athei sư pơkă. Pơtao kư̆m rôp ba lu bơngai pơgơ̆r lăm tơring noh hai,

Both 23:3

Bơngai Ammôn kư̆m thoi bơngai Môap kư̆m ưh kơ gơh mơ̆t lăm khŭl kon pơlei Kră Yang, mă khan truh tơ kon sâu mơjĭt jơhnơr kư̆m ưh kơ gơh ôh.

Lu 10:7

Kră Yang hil mĭl kơ lu bơngai Isơrael; na Kră Yang jao lu sư kơ lu bơngai Philistin păng lu bơngai Ammôn pơgơ̆r lu sư.

Lu 11:4

Đơ̆ng rŏng kơ 'noh kon pơlei Ammôn tơblah hăm lu bơngai Isơrael.

Lu 21:8

Đơ̆ng noh lu sư khan? Lăm dôm lu bơngai Isơrael bơngai bu ưh kơ đei năm dơ̆ng 'bơ̆t anăp Kră Yang tơ Mispa? Đơ̆ng pơlei Jabes tơ Gileat ưh kơ đei bu năm akŭm hơdai lăm năr noh.

I Sam 12:12

Mă-lei kơplah iĕm 'bôh Nahas, pơtao đe Ammôn, năm blah lu iĕm, lu iĕm năm khan kơ inh: Ưh ôh; lu nhôn athei đei minh 'nu pơtao pơgơ̆r lu nhôn; mă tơpă sư lăm noh Kră Yang 'Bok Kei-Dei bơih pơm pơtao lu iĕm.

I Sam 14:47

Đơ̆ng rŏng kơ Sôl pơm pơtao pơgơ̆r teh đak Isơrael, na sư tơblah hăm bơngai ayăt kơ sư puăn pah, wă khan sư tơblah hăm bơngai Môap, Ammôn, Eđôm, lu pơtao Sôba păng hăm bơngai Philistin; sư tơblah tơ yơ, kư̆m jei sư ngăl.