I Sam 10:12 - Sơ̆p Hlabơar Nơ̆r 'Bok Kei-Dei

¹² Đei bơngai lăm Gibêah tơl: 'Bă lu sư bu hah? Na đei nơ̆r đơ̆ng sơ̆ khan: Sôl kư̆m dai bơngai khan lê̆ adrol dah kiơ?

I Sam 10:12 ပူးပေါင်းရင်းမြစ်များ

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Yo 6:45

Lu 'bok pơtruh nơ̆r 'Bok Kei-Dei chih lăm sơ̆p hla bơar lu sư sơ̆ thoi âu: ‘'Bok Kei-Dei gô bơtho đĭ-đăng bơngai.’ Inh khan kơ iĕm, bơngai bu mơ̆ng nơ̆r 'Bă Inh păng lui kơ nơ̆r Sư bơtho, lu bơngai 'noh gô truh tơ Inh.

Yo 7:16

Yêsu khan kơ lu sư: “Tơdrong Inh bơtho âu ưh kơ sĭ lĕch đơ̆ng Inh ôh. Tơdrong âu lĕch đơ̆ng 'Bok Kei-Dei mă wơh Inh.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

I Sam 10:13

Đơ̆ng rŏng kơ Sôl ưh pă khan lê̆ adrol, na sư tŏk tơ anih kơjung kơpal groi.

I Sam 19:23

Sư năm hloi tơ Naiôt lăm pơlei Rama; Yang Bơhngol Kră Yang 'Bok Kei-Dei kư̆m mơ̆t tơ sư, sư kư̆m suang pơma khan lê̆ adrol dĭng truh tơ Naiôt lăm pơlei Rama,

I Sam 19:24

Sư kư̆m plôh lê̆ ao sư kơdih, suang pơplŏng pơma khan lê̆ adrol 'bơ̆t anăp Samuel, na pơtao suang pơ̆k 'bĭch hloi tơ teh akâu hoh prăt măng lăm măng noh. Kơlih kơ thoi noh na, đei nơ̆r khan: Sôl kư̆m wang mơ̆t hơdai lu bơngai khan lê̆ adrol mơ̆n hă?