I Sam 1:17 - Sơ̆p Hlabơar Nơ̆r 'Bok Kei-Dei

¹⁷ Na Hêli khan, năm mă 'lơ̆ng bĕ krao khan bĕ kơ Kră Yang 'Bok Kei-Dei Isơrael ăn kơ ih tơdrong ih krao apinh sư.

I Sam 1:17 ပူးပေါင်းရင်းမြစ်များ

Bl 25:21

Isăk krao apinh Kră Yang kơ akăn sư, yua kơ akăn sư hơwŏng. Kră Yang lăp đon kơ nơ̆r krao khan apinh noh, na ăn kơ Rê'bêka anăp.

II Sam 15:9

Pơtao tơl khan: “Kon năm mă 'lơ̆ng. Na Apsalôm iung, năm truh tơ Hêbrôn.”

II Pot 5:19

Êlisê khan: Năm bĕ, yak kơ ih mă 'lơ̆ng rŏ, hiôk-hian! Lăp Naaman hlôi weh đơ̆ng Êlisê, ataih 'biơ̆ bơih.

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

Markôs 5:34

Na Yêsu khan kơ sư: “Ơ duch, kơlih kơ ih lui na ih klaih, na dang ei brŏk kơ ih mă 'lơ̆ng bĕ. Ih klaih đĭ boih, ưh pă đei jĭ dơ̆ng.”

Luka 7:50

Na Yêsu khan kơ bơngai drŏ-kăn ei dơ̆ng: “Yua kơ ih lui na ih klaih. Yak kơ ih mă 'lơ̆ng bĕ.”

Luka 8:48

Na Yêsu khan kơ sư: “Ơ duch, kơlih kơ ih lui na ih klaih. Na dang ei brŏk kơ ih mă 'lơ̆ng bĕ.”

Lu 18:6

'Bok soi ei tơl: Năm bĕ hiôk-hian, Kră Yang gô wei-lăng trong lu iĕm yak năm.

I Sam 1:16

'Nĕ jơ̆ kơ inh đam ih thoi bơngai drŏ-kăn kư̆ kă, yua kơ inh pơma âu dang ei kơlih kơ jơhngơ̆m inh rŭng răng ơh sơ'ngon.

I Sam 1:23

Êlkana klo sư khan kơ sư, pơm bĕ thoi ih tơchĕng khan 'lơ̆ng. Gô bĕ dĭng tơ sư lê̆ mŏm. Wă kơ apinh Kră Yang pơsĭt nơ̆r ih pơma. Thoi noh sư oei hnam, rong kon drŏ-nglo noh truh tơ sư lê̆ mŏm.

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.

I Sam 25:35

Đawit iŏk dôm tơmam đơ̆ng ti sư chĕp ba na pơkă khan: Brŏk wih bĕ tơ hnam dơnŏ ih hiôk hơđơ̆ng, inh kơtơ̆ng boih dôm nơ̆r ih apinh păng inh kư̆m răk kiơ̆ thoi nơ̆r hơpơi.

I Sam 29:7

Lei ih brŏk mă 'lơ̆ng. 'Nĕ kơ pơm kơ jơhngơ̆m lu yŏng pơgơ̆r bơngai Philistin sơ'ngon.