I Pot 9:4 - Sơ̆p Hlabơar Nơ̆r 'Bok Kei-Dei

⁴ “Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

I Pot 9:4 ပူးပေါင်းရင်းမြစ်များ

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 20:5

Hăm trŏ sư đei khan kơ inh thoi âu: ‘Noh oh drŏ-kăn inh.’ Păng akăn sư khan: ‘Noh 'nhŏng inh?’ Inh pơm tơdrong âu hăm jơhngơ̆m tơpăt păng ti rơgoh.”

II Sam 22:22

Inh wei răk kiơ̆ trong Kră Yang bơtho. Ưh kơ đei pơm kơnê̆ achăng lê̆ Kră Yang 'Bok Kei-Dei inh.

I Pot 11:38

Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

I Pot 11:4

Truh tơ Sôlômôn kră pă kĕ lu akăn sư pơhlŭ pơlung sư kiơ̆ yang lu sư; jơhngơ̆m sư ưh pă chu yom kơ Kră Yang 'Bok Kei-Dei thoi jơhngơ̆m đon Đawit 'bă sư.

I Pot 11:6

Thoi noh Sôlômôn pơm tơdrong yoch kơnê̆ 'bơ̆t anăp Kră Yang păng sư ưh kơ wă chu kiơ̆ Kră Yang hăm đĭ jơhngơ̆m klơm klak thoi Đawit 'bă sư chu yom bơih.

I Pot 14:8

Inh iŏk lê̆ teh đak đơ̆ng hnam Đawit na pơjao ăn kơ ih; mă-lei ih ưh kơ pơm rok kiơ̆ Đawit đĭch đam Inh, sư wei răk tơdrong juăt Inh păng kiơ̆ nơ̆r Inh tơtă hăm đĭ jơhngơ̆m, sư pơm tơdrong 'lơ̆ng tơpăt 'bơ̆t anăp Inh.”

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

I Pot 6:12

“Gah Hnam akŭm mă ih oei pơm dang ei 'nâu, tơdah ih chu pơm kiơ̆ nơ̆r Inh tơtă păng chĕp răk dôm tơdrong juăt Inh bơtho khan, wei răk nơ̆r Inh tơtă păng pơm kiơ̆, lei inh gô pơsĭt lu nơ̆r inh đei pơkă kơ 'bă ih Đawit lăm chăl arih ih.

I Pot 8:25

“Dang ei, ơ Kră Yang 'Bok Kei-Dei Isơrael! Apinh Ih pơm pơkeh bĕ đơ̆ng nơ̆r Ih pơkă hăm 'bă inh Đawit, đĭch đam Ih. Ih đei pơkă khan: “'Bơ̆t anăp Inh ih ưh kơ đei khăi ôh bơngai gô hơ-oei kơpal tang-dŏ pơtao Isơrael tơdah lu kon sâu ih năm rok trong ih mă năm adrol bơih 'bơ̆t anăp Inh.”

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

II Ho 17:4

mă-lei chơchă Kră Yang 'bă sư pơm kiơ̆ wei răk nơ̆r Kră Yang tơtă, ưh kơ pơm kiơ̆ ôh thoi lu bơngai Isơrael pơm.

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!

Horiso 15:2

Lu bơngai yak kiơ̆ trong tơpăt, pơm tơdrong trŏ. Sư pơma tơpăt lăm jơhngơ̆m sư;

Horiso 26:1

Ơ Kră Yang, apinh Ih sek tơlang lăng inh, Yua kơ inh oei arih 'lơ̆ng rơgoh,a Inh gơnang kơ Kră Yang na inh huay kơ tơpling jơ̆ng.

Horiso 26:11

Gah inh, inh yak năm lăm trong 'lơ̆ng rơgoh, Apinh Ih pơklaih inh păng mơnat kơ inh.

Horiso 78:72

Đawit wei lu sư kiơ̆ kơ jơhngơ̆m 'lơ̆ng tơpăt. Hăm tơdrong gơh hơgei na chông anhăk lu sư.

Tơdrông Pơđơk 10:9

Bơngai bu năm kiơ̆ trong tơpăt băt yak hiôk-hian. Mă-lei bơngai bu yak kiơ̆ trong đŏng gô pơmat.

Tơdrông Pơđơk 20:7

Bơngai tơpăt băt oei arih sa 'lơ̆ng tơpăt, Pŭn hiôk dêh kơ lu kon sâu sư!

Tơdrông Pơđơk 28:18

Bơngai bu oei arih sa 'lơ̆ng tơpăt gô đei dŏng pơklaih; Bơngai bu kiơ̆ trong đŏng gô huŏng ưh kơ tam băt.

Êsêkiên 18:9

Chu kiơ̆ khôi juăt păng chu răk nơ̆r Inh tơtă. Bơngai âu arih sa tơpăt, noh jing bơngai tơpăt, sư gô đei tơdrong arih, Kră Yang khan thoi noh.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Both 28:1

Tơdah iĕm mơ̆ng kiơ̆ nơ̆r Kră Yang 'Bok Kei-Dei iĕm mă kơjăp, pơ'lơ̆ng pơm kiơ̆ dôm nơ̆r Sư tơtă, mă inh bơtho khan kơ iĕm năr 'nâu, na Kră Yang 'Bok Kei-Dei iĕm gô pôk hơtŏk iĕm hloh kơ adrĕch nai mă oei tơ kơpal teh âu.