I Pot 9:3 - Sơ̆p Hlabơar Nơ̆r 'Bok Kei-Dei

³ Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

I Pot 9:3 ပူးပေါင်းရင်းမြစ်များ

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

II Pot 20:5

“Wơ̆t brŏk bĕ, khan kơ Hesekia, pơtao lu kon pơlei Inh, Kră Yang 'Bok kei-Dei Đawit 'bok kơdră ih khan: Inh kơtơ̆ng bơih nơ̆r ih krao khan, 'bôh ih nhơ̆m lĕch đak măt; 'nâu Inh gô pơklaih jĭ ih; truh tơ năr mă pêng ih gô năm tơ hnam Kră Yang.

II Pot 21:7

Sư dan rup Asêra mă sư đei pơm lăm hnam akŭm mă Kră Yang đei khan bơih kơ Đawit păng Sôlômôn, kon drŏ-nglo sư, noh: “Lăm hnam akŭm 'nâu păng lăm Pơlei Jêrusalem; pơlei mă Inh hlôi rơih lăm lu khŭl Isơrael Inh gô ăn anăn Inh oei lăm noh, ling-lang khŏm khŏm.

II Ho 33:7

Sư tah rup yang đe traih lăm hnam Kră Yang tơ anih mă Kră Yang 'Bok Kei-Dei đei khan hăm Đawit păng Sôlômôn kon drŏ-nglo sư khan: “Lăm hnam 'nâu păng pơlei Jêrusalem pơlei, mă inh đei rơih iŏk boih đơ̆ng lăm adrĕch bơngai Isơrael, wă 'măn anăn Inh lăm âu ling-lang;

II Ho 6:40

Kră Yang 'Bok Kei-Dei inh! Inh krao apinh Ih lăng păng mơ̆ng nơ̆r krao apinh Ih đơ̆ng anih 'nâu.

Esơra 6:12

Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Horiso 116:1

Inh 'mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh

Horiso 34:17

Lu bơngai 'lơ̆ng tơpăt Krao apinh, Kră Yang mơ̆ng hloi. Păng pơklaih lu sư đơ̆ng tơdrong pơmat-tat.

Horiso 65:3

Tơdah jei tơdrong kơnê̆. Tơdrong mă lu nhôn pơm yoch Ih gô mơnat ăn.

Horiso 66:19

Tơpă Kră Yang 'Bok Kei-Dei mơ̆ng boih; Sư pơgling boih đon mơ̆ng nơ̆r inh krao khan.

Le 20:11

yua kơ lăm tơdrâu năr Kră Yang đei pơjing plĕnh, teh, đak dơsĭ păng đĭ-đăng tơmam tơ lăm noh, năr tơpơh sư pơdơh: Na Kră Yang sơkat ăn pŭn hiôk kơ năr tơpơh wă 'măn pơm năr giĕng 'lơ̆ng rơgoh.

Le 29:44

Inh gô pơm ăn kơ Bơsŭn Anih Akŭm hăm chơnang soi jing rơgoh; hăm ih kư̆m gô pơm kơ Arôn hăm lu kon drŏ-nglo sư jing rơgoh mơ̆n, wă kơ lu sư bơ̆jang pơm 'bok soi kơ Inh.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 7:10

Păng đơ̆ng noh năm dơ̆ng kơkuh kơ Inh, tơ hnam âu, anih mă đe krao Anăn Inh, păng khan: “Lu bơ̆n klaih hiôk boih.” Hiôk oei wă pơm dôm tơdrong Inh areh noh?

Da 9:23

Đơ̆ng kơplah ih pơtơm 'nao krao apinh; păng inh truh tơ âu inh wă tơbăt kơ ih tơdrong noh; yua kơ ih bơngai mă 'Bok Kei-Dei 'mêm mơnat dêh. Thoi ei tơchĕng bĕ kơ tơdrong noh păng athei băt hlôh kơ tơdrong tơ'bôh.

Jo 16:38

gah lu gŏl đơ̆ng lu bơngai pơm yoch tah pơgang 'bâu phu păng soh pơyơ̆r boih jô̆ dĭng đĭ chăl arih lu sư, ih athei iŏk tơtang mă hơtăng na gom chơnang soi. Yua kơ lu gŏl noh pơyơ̆r boih 'bơ̆t anăp Kră Yang jing tơmam rơgoh; lu gĕl tơtang sư hơtăng noh wă pơm tơdra tơ'blŏk ăn kơ bơngai Isơrael.

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Yo 11:42

Inh băt Ih mơ̆ng Inh ling-lang mơ̆n, mă-lei Inh khan thoi noh wă kơ lu bơngai mă oei tăp dăr kơ Inh kơtơ̆ng na lu sư gô lui kơ Ih wơh Inh.”

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

Both 11:12

'Noh jơ̆ minh pôm dêh mă măt Kră Yang 'Bok Kei-Dei iĕm bơwei, đơ̆ng sơnăm blŭng-a sơ̆ truh tơ tôch.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:21

Tơdah anih mă Kră Yang 'Bok Kei-Dei iĕm rơih boih wă dan Anăn Sư, ataih đơ̆ng iĕm oei, iĕm gơh 'bet sa rơmo dah triu lăm khŭl mă Kră Yang iĕm ăn kơ iĕm kư̆m thoi Inh pơkă kơ iĕm; iĕm gơh sa 'nhĕm mơ̆ng kơ wă sa lăm pơlei iĕm kơdih.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

I Yo 5:14

Păng bơ̆n gơh krao khan kơ 'Bok Kei-Dei kơlih kơ bơ̆n băt kơ Sư mơ̆ng bơ̆n tơpă dah bơ̆n apinh trŏ thoi Sư wă.