I Pot 9:25 - Sơ̆p Hlabơar Nơ̆r 'Bok Kei-Dei

²⁵ Pêng wơ̆t lăm minh sơnăm Sôlômôn juăt kơ pơyơ̆r tơmam soi 'buh păng tơmam pơyơ̆r apinh tơdrong hiôk-hian tơ kơpal chơnang soi mă sư đei pơm ăn kơ Kră Yang păng soh tơmam 'bâu phu hai 'bơ̆t anăp Kră Yang. Sư pơm pơkeh Hnam akŭm.

I Pot 9:25 ပူးပေါင်းရင်းမြစ်များ

I Pot 6:14

Thoi noh pơtao Sôlômôn pơm Hnam akŭm păng pơm pơkeh.

I Pot 6:38

Truh tơ sơnăm mă mơjĭt-mônh, 'blep kơ khei Bul wă khan khei tơhngam, đĭ-đăng dôm tơdrong jang man Hnam akŭm Kră Yang noh keh đang ngăl bơih kiơ̆ 'blep thoi đei hơgăt lê̆ adrol să iĕ, hơbŏ hnam noh. Pơtao Sôlômôn pơm Hnam akŭm 7 Kră Yang keh đĭ-đăng tơpơh sơnăm 'mơ̆i.

I Pot 6:9

Sư pơm Hnam akŭm păng pơkeh man noh. Sôlômôn sư roh tơpơng klơ̆p hăm tơ̆r 'long hơngo bri.

I Ho 23:13

Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

II Ho 29:11

Ơ lu đe kon inh 'nĕ pă pơhiơ̆, yua kơ Kră Yang đei rơih iŏk boih lu iĕm jing đĭch đam Sư, wă kơ dơ̆ng 'bơ̆t anăp Sư, bơ̆jang kơ Sư soh tơmam 'bâu phu kơ Sư.”

II Ho 34:25

Yua kơ lu sư achăng lê̆ Inh boih, soh 'long 'bâu phu kơ yang nai, yua dôm tơdrong đơ̆ng ti lu sư pơm na tơblĕk Inh; lei na Inh gô tuh tơdrong Inh hil mĭl tơ anih 'nâu, ưh kơ đei layơ ngach.’

II Ho 8:16

Thoi noh đĭ-đăng tơdrong jang Sôlômôn đei pơm boih, đơ̆ng pơm tơiung hnam Kră Yang dĭng keh đang; pơm hnam Kră Yang keh đang boih.

Le 30:7

Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh.

Le 34:23

Lăm minh sơnăm pêng wơ̆t, đĭ-đăng lu kon drŏ-nglo lu iĕm athei dơ̆ng tơ'bôh 'bơ̆t anăp Kră Yang 'Bok Kei-Dei Isơrael.

Both 16:16

Rim 'nu bơngai drŏ-nglo, rim sơnăm pêng wơ̆t, athei năm kơkuh kơ Kră Yang 'Bok Kei-Dei iĕm, tơ anih mă Sư gô rơih, noh lăm năr pơm giĕng sa 'bĕng ưh kơ đei 'Buih Pông, pơm giĕng kĕch yuă phĕ păng pơm giĕng Bơsŭn; ưh kơ đei bu năm kơkuh kơ Kră Yang hăm tơpang ti hoh.

Lu 11:40

Rim sơnăm rim 'nu kon drŏ-kăn Isơrael năm nhơ̆m hmoi kơ kon drŏ-kăn Jeptha, bơngai Gileat lăm puăn năr.