I Pot 8:9 - Sơ̆p Hlabơar Nơ̆r 'Bok Kei-Dei

⁹ Lăm Hom Pơgơ̆p 'noh đei 'bar hlak gơ'bang păng tơmo đơ̆ng Môis dan lê̆ đơ̆ng kông Hôrêp; iŏk đơ̆ng năr Kră Yang pơgơ̆p pơkă pơkăm hăm lu bơngai Isơrael kơplah lu sư 'nao lĕch đơ̆ng dêh char Êyiptơ.

I Pot 8:9 ပူးပေါင်းရင်းမြစ်များ

I Pot 8:21

Tơ anih 'noh inh đei pơm wă 'măn Hom, pơgơ̆p lăm Hom 'noh đei nơ̆r Kră Yang pơkă pơkăm hăm lu 'bok bơ̆n sơ̆, kơplah Sư pơklaih lu sư đơ̆ng dêh char Êyiptơ.”

II Ho 5:10

Lăm Hom Pơgơ̆p ưh kơ đei kiơ, 'nguaih kơ 'bar tŏ gô 'bang khôi juăt mă Môis đei tah lăm noh tơ Kông Hôrêp, kơplah Kră Yang pơgơ̆p hăm kon pơlei Isơrael, 'bơ̆t lu sư 'nao lĕch đơ̆ng char Êyiptơ.

II Ho 5:9

'Long tơnung tung Hom Pơgơ̆p kơjung, na đơ̆ng anăp lăm anih 'Lơ̆ng Rơgoh lăng 'bôh, mă-lei lăng đơ̆ng 'nguaih ưh kơ 'bôh; Hom Pơgơ̆p noh oei đei tơ lăm noh dĭng truh tơ dang ei.

Le 13:21

Kră Yang năm adrol kơ kon pơlei, tơ kơ'năr hăm minh pôm jrăng hơmơ̆l, wă ba trong yak năm; tơ kơmăng hăm minh pôm jrăng ŭnh, wă pơchrang ăn kơ lu sư, wă kơ lu sư gơh năm ling-lang kơ'năr păng kơmăng.

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Le 16:10

Kơplah Arôn oei pơma hăm kon pơlei Isơrael, lu sư lăng tơ gah tơmăn glă, 'bôh tơdrong ư-ang rang hơdah tih Kră Yang tơ hơmơ̆l.

Le 16:33

Môis khan kơ Arôn: Athei iŏk minh pôm gĕl tah mong minh ômer mana, pơdơ̆ng lê̆ 'bơ̆t anăp Kră Yang, wă wei răk truh tơ jơhnơr đơ̆ng rŏng.

Le 25:16

Ih athei tah lăm hom tơdrong pơgơ̆p khôi juăt nơ̆r mă tơtă Inh gô ăn kơ ih.

Le 25:21

Ih athei dan tơnglơ̆p tơdrong 'mêm mơnat tơ kơpal hom, lăm hom ih tah khôi juăt nơ̆r tơtă Inh gô ăn kơ ih.

Le 40:20

Môis tah 'bar hlak gơ'bang chih Mơjĭt Khôi Juăt tơ lăm Hom Tơdrong Pơgơ̆p, sư sôr 'long tơnung. Păng dan tơnglơ̆p tơdrong 'mêm mơnat tơ kơpal hom noh.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Jo 17:10

Kră Yang khan kơ Môis: Iŏk bĕ 'long jra Arôn na dan 'bơ̆t Hom Roi Tơbăt, wă răk tơ'blŏk pơm tơdra tơ'bôh kơ kon sâu wă iung blah, “ih athei khă chĭt lê̆ nơ̆r lu sư jŏk iung blah pơjah hăm Inh, kơnh hli kơ lu sư lôch.”

Jo 9:15

Lăm năr đei pơdơ̆ng tơiung Bơsŭn Anih Akŭm đei hơmơ̆l gom Bơsŭn noh, Bơsŭn Tơdrong Tơbăt; đơ̆ng drơ̆m kơsơ̆ đei ŭnh kơpal Bơsŭn Anih Akŭm dĭng truh pơgê dơning.

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

Both 4:13

Sư roi ăn kơ lu iĕm băt tơdrong Sư pơgơ̆p nơ̆r Sư tơtă wă kơ lu iĕm athei pơm kiơ̆, thoi mơjĭt nơ̆r tơtă, Sư chih tơ kơpal 'bar hlak tơmo lat.

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.