I Pot 8:7 - Sơ̆p Hlabơar Nơ̆r 'Bok Kei-Dei

⁷ Dôm lu chêrubim bơyar pơnăr kơpal Hom Pơgơ̆p, sư klơ̆p lê̆ Hom Pơgơ̆p păng 'long tơnung tung.

I Pot 8:7 ပူးပေါင်းရင်းမြစ်များ

I Pot 6:27

Sôlômôn dan lê̆ 'bar tŏ rup chêrubim oei bơyar pơnăr noh lăm Anih Rơgoh Hloh lăm Hnam akŭm. Minh pah pơnăr pah âu hơtŭt kơ tơnăr pah âu, minh pah pơnăr pah to hơtŭt kơ tơnăr pah to, 'bar pah pơnăr tơ'bưh băl tŏk-bŏk lăm Anih Rơgoh Hloh.

I Pot 8:6

Lu 'bok soi tơm tung ba Hom Pơgơ̆p Kră Yang tơ anih sư, anih rơgoh hloh lu sư 'măn gah ala pơnăr chêrubim.

I Pot 8:8

Dôm lu tơnung tung kơjung na đe lăng 'bôh đơ̆ng anih rơgoh mă truh tơ Anih Rơgoh Hloh, sư kư̆m oei 'bôh mơ̆n. Mă-lei lăng đơ̆ng 'nguaih ưh kơ đei 'bôh, dôm lu tơnung tung noh, mă truh dang ei kư̆m oei đei mơ̆n.

Le 25:20

'Bar tŏ chêrubim gô bơyar pơnăr, klơ̆p kơpal tơnglơ̆p tơdrong 'mêm mơnat, tơwih măt tơklă băl lăng tơpăt tơ tơnglơ̆p tơdrong 'mêm mơnat.

Êsai 6:2

Tơ kơpal Kră Yang; đei lu Seraphim rim Sêraphim đei tơdrâu hlak pơnăr, 'bar pah pơnăr sư pĕng muh măt, 'bar pah pơnăr pĕng jơ̆ng păng 'bar pah pơnăr dơ̆ng yua wă păr.

Jo 4:6

đe gô iŏk akar ka tih klơ̆p kơpal kơ che klơ̆p gom păng kư̆m lơ̆k che dreng plĕnh dơ̆ng kơpal noh păng sôr 'long tơnung tung.

Hêbrơ 9:5

Kơpal hom noh đe man 'bar tŏ rup linh jang 'lơ̆ng, đe anăn bre sư chêrôbin, bre sư bơyar pơnăr tơ kơpal kơ hom noh. Hom noh đe anăn anih 'Bok Kei-Dei pơklaih yoch, 'bar tŏ rup linh jang noh wă pơtih gia kơ 'Bok Kei-Dei oei lơ̆m anih noh. Inh kư̆m wă roi kơ iĕm tôm tơdrong noh, mă inh ưh kơ wăn ôh.