I Pot 8:66 - Sơ̆p Hlabơar Nơ̆r 'Bok Kei-Dei

⁶⁶ Lăm năr mă tơhngam pơtao ăn kơ kon pơlei pơla brŏk; kon pơlei kư̆m krao khan hơpơi pŭn hiôk kơ pơtao kơplah lu sư brŏk tơ anih lu sư, lu sư chơt hiôk 'nă hal lăm jơhngơ̆m, yua kơ Kră Yang wei-lăng đĭch đam Sư Đawit hăm đĭ-đăng lu bơngai Isơrael, kon pơlei pơla Sư rơih.

I Pot 8:66 ပူးပေါင်းရင်းမြစ်များ

Bl 47:7

Đơ̆ng noh Jôsep chông 'bă sư năm tơ'bơ̆p Pharaôn. Jakôp sơkat ăn wă kơ đei pŭn hiôk kơ Pharaôn.

I Pot 8:1

Pơtao Sôlômôn, krao akŭm đĭ lu kră pơgơ̆r, lu yŏng kơdră lăm adrĕch adrung Isơrael năm tơ sư tơ Pơlei Jêrusalem năm sơng Hom Pơgơ̆p Kră Yang đơ̆ng lăm pơlei Đawit tơ Siôn ba tơ Hnam akŭm Kră Yang.

I Pot 8:47

tơdah lu sư oei tơ dêh char nai lu sư tơchĕng tơbral, krao khan hơdrĭ apinh ih: ‘Lu nhôn pơm yoch, pơm tơdrong kơnê̆ pơm lơ tơdrong ưh kơ trŏ.’

I Pot 8:65

Kơplah noh đĭ-đăng kon pơlei pơla Isơrael akŭm hơdai hăm pơtao Sôlômôn, akŭm minh anih să iŏk đơ̆ng trong mơ̆t pơlei Hamat truh tơ thong đak Êyiptơ, akŭm 'bơ̆t anăp Kră Yang 'Bok Kei-Dei, lăm tơpơh năr.

I Pot 9:1

Sôlômôn man Hnam akŭm Kră Yang, hnam sư kơdih păng dôm lu hnam mă sư man đang bơih.

II Ho 29:36

Hesekia păng đĭ-đăng kon pơlei lu sư chơt hiôk kơ Kră Yang 'Bok Kei-Dei đei asong ăn kơ lu kon pơlei Sư na tơdrong jang âu tĕnh jah keh đang.

II Ho 30:26

Lăm pơlei Jêrusalem đei tơdrong chơt hiôk tih; đơ̆ng chăl Sôlômôn kon drŏ-nglo Đawit pơtao Isơrael, lăm pơlei Jêrusalem ưh tam biơh đei tơdrong chơt hiôk thoi noh.

II Ho 7:10

Năr 'bar-jĭt pêng khei tơpơh, sư ăn kơ kon pơlei wih brŏk tơ anih kơdih, jơhngơ̆m lu sư chơt hiôk păng 'nă hal, yua kơ Kră Yang đei ăn boih tơdrong 'lơ̆ng kơ Đawit, kơ Sôlômôn păng ăn kơ kon pơlei pơla Isơrael Sư.

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Horiso 122:6

Krao khan bĕ kơ Jêrusalem đei rơnŭk rơnua. Wă kơ bơngai bu 'mêm kơ ih gô đei tơdrong hiôk jơnap.

Horiso 122:9

Yua kơ Hnam Kră Yang, 'Bok Kei-Dei lu bơ̆n. Inh krao chă ăn kơ ih pŭn hiôk.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Jêphania 3:14

Ơ kon drŏ-kăn Siôn, hơri bĕ! Ơ adrĕch adrung Isơrael, iŏk chơt hiôk bĕ! Ơ kon adruh Jêrusalem, 'nă hal bĕ.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.

Jôsuê 22:6

Jôsuê sơkat ăn pŭn hiôk kơ lu sư, na ăn kơ lu sư wih brŏk tơ anih hnam lu sư kơdih.