I Pot 8:64 - Sơ̆p Hlabơar Nơ̆r 'Bok Kei-Dei

⁶⁴ Lăm năr 'noh pơtao Sôlômôn sư klah sư 'măn lê̆ minh anih tŏk-bŏk cham 'bơ̆t anăp, Hnam akŭm Kră Yang; tơ anih 'noh sư wă pơyơ̆r tơmam soi 'buh, tơmam soi pơyơ̆r phe 'ba, păng tơmam soi rơmă tơmam soi 'blŏk bơnê, yua chơnang pơm hăm kong noh iĕ, ưh kơ mah wă dan đĭ dôm lu tơmam soi 'buh, tơmam soi pơyơ̆r phe 'ba, lu rơmă tơmam soi 'blŏk bơnê.

I Pot 8:64 ပူးပေါင်းရင်းမြစ်များ

II Ho 4:1

Sư pơm chơnang soi hăm kong, tor kơjung 'bar-jĭt hơgăt, wơ̆l 'bar-jĭt hơgăt, kơjung mơjĭt hơgăt.

II Ho 7:7

Sôlômôn 'măn lê̆ minh anih tŏk-bŏk cham 'bơ̆t anăp hnam akŭm Kră Yang; tơ noh boih mă sư pơyơ̆r tơmam soi 'buh păng rơmă pơm tơmam soi kơ tơdrong hiôk-hian, yua kơ lu chơnang soi păng kong mă đêl Sôlômôn pơm noh ưh kơ mah wă dan đĭ lu tơmam soi 'buh, tơmam soi phe 'ba păng rơmă.

Le 36:7

Yua kơ tơmam đei noh tôm mah boih păng kư̆m rơkah mơ̆n kơ dôm tơdrong jang.

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Lêwi 3:9

Đơ̆ng tơmam soi pơyơ̆r 'blŏk bơnê noh, sư athei soi 'buh pơyơ̆r kơ Kră Yang: Rơmă, kiĕng chơ̆ng iŏk 'bơ̆t kơting chơđui, đĭ-đăng lu rơmă lom klak.