I Pot 8:63 - Sơ̆p Hlabơar Nơ̆r 'Bok Kei-Dei

⁶³ Pơtao Sôlômôn sư, pơyơ̆r tơmam soi kơ Kră Yang, đei 'bar-jĭt 'bar-rơbâu tŏ rơmo tơno, đei minh-hrĕng 'bar-rơbâu tŏ triu, păng bơbe. Đĭ-đăng lu kon pơlei hăm pơtao Sôlômôn chơt hiôk pơyơ̆r pơm keh hnam akŭm Kră Yang.

I Pot 8:63 ပူးပေါင်းရင်းမြစ်များ

I Ho 29:21

Năr đơ̆ng rŏng, lu sư pơyơ̆r tơmam soi 'buh ăn kơ Kră Yang. Minh-rơbâu rơmo tơno, minh-rơbâu triu tơno păng minh-rơbâu tŏ triu kon, hơdai hăm tơmam soi et păng lơ tơmam soi pơyơ̆r nai kơ đĭ-đăng kon pơlei Isơrael;

II Ho 15:11

Lăm năr noh lu sư iŏk tơpơh-hrĕng tŏ rơmo tơno păng tơpơh-rơbâu tŏ triu hăm bơbe, lu kon sem dơrong mă đơ̆ng lu sư blah iŏk, pơyơ̆r pơm tơmam soi bơnê kơ Kră Yang.

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

II Ho 30:24

Hesekia pơtao Juđa, đei asong ăn kơ tơpôl akŭm noh minh-rơbâu tŏ rơmo tơno păng tơpơh-rơbâu tŏ triu bơbe; lu yŏng pơgơ̆r kư̆m asong ăn kơ tơpôl akŭm minh-rơbâu tŏ rơmo tơno păng mơjĭt-rơbâu tŏ triu, bơbe. Đei lơ lu 'bok soi hơmet akâu lu sư rơgoh.

II Ho 7:4

Na pơtao păng đĭ đang kon pơlei pơyơ̆r tơmam soi 'bơ̆t anăp Kră Yang.

II Ho 7:5

Pơtao Sôlômôn pơyơ̆r tơmam soi 'bar-jĭt 'bar-rơbâu tŏ rơmo păng minh-hrĕng 'bar-jĭt rơbâu tŏ triu păng bơbe, thoi noh pơtao Sôlômôn păng đĭ-đăng kon pơlei pơyơ̆r pơih hloi hnam akŭm 'Bok Kei-Dei.

Esơra 6:15

Năr mă pêng khei Adar, trŏ kơ sơnăm mă tơdrâu chăl pơtao Đarius, hnam akŭm âu pơm keh.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

Horiso 30:1

Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

Êsêkiên 36:38

nhen thoi triu 'măn wă pơm tơmam soi tơ Jêrusalem lăm năr giĕng tih. Mă lu pơlei đêl pơchah răm gô 'bĕnh kơ kon pơlei oei, lei na lu sư gô băt Inh boih Kră Yang.

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Mi 6:7

Hăm trŏ Kră Yang lăp đon rơbâu tŏ triu tơno, dah hơngan glung đak rơmă ôliwơ ưh? Hăm trŏ inh pơyơ̆r kon kơdră inh yua kơ inh pơm glăi păng plei đơ̆ng blu pôih inh yua kơ tơdrong yoch hăm bơhngol inh?

Yo 10:22

Hơtai ei tơ Pơlei Jêrusalem năr đe pơm giĕng lu bơngai Juđê. Pơm giĕng ei đe wă kơ 'blŏk hơdơ̆r kơ năr đe pơyơ̆r hnam akŭm 'Bok Kei-Dei tơm sơ̆.