I Pot 8:58 - Sơ̆p Hlabơar Nơ̆r 'Bok Kei-Dei

⁵⁸ Apinh Sư tơgŭm bơ̆n năm jê̆ Sư wă kơ lu bơ̆n năm kiơ̆ trong Sư, wei răk nơ̆r sư tơtă, tơdrong juăt Sư păng nơ̆r Sư bơtho tơtă, mă Sư bơtho kơ lu 'bok bơ̆n sơ̆.

I Pot 8:58 ပူးပေါင်းရင်းမြစ်များ

I Pot 8:59

Hơpơi rŏ kơ nơ̆r inh krao khan bơih, 'bơ̆t anăp Kră Yang, oei lăm Kră Yang 'Bok Kei-Dei bơ̆n măng năr păng tơgŭm dôm tơdrong đĭch đam Sư jang păng kư̆m tơgŭm tơdrong kon pơlei pơla Isơrael Sư jang sa rim năr kiơ̆ thoi tơdrong lu sư kăl yua.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Horiso 119:36

Apinh ăn kơ jơhngơ̆m inh tơchĕng kơ tơdrong juăt Ih. 'Nĕ ăn kơ inh tơchĕng kơ tơdrong lơi kơdih akâu.

Hơri Hiôk 1:4

Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:45

'Nâu tơdrong tơbăt păng khôi juăt păng nơ̆r tơtă mă Môis bơtho ăn kơ kon pơlei Isơrael đơ̆ng rŏng kơ lu sư lĕch đơ̆ng dêh Êyiptơ.

Both 6:1

'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

Jôsuê 24:23

Jôsuê khan dơ̆ng: Thoi noh, dang ei, athei hŭt lê̆ bĕ yang tơmoi đơ̆ng lăm lu iĕm, athei đei jơhngơ̆m chu brŏk tơ Kră Yang 'Bok Kei-Dei Isơrael.