I Pot 8:26 - Sơ̆p Hlabơar Nơ̆r 'Bok Kei-Dei

²⁶ Thoi noh dang ei ơ Kră Yang 'Bok Kei-Dei bơngai Isơrael, apinh Ih pơsĭt nơ̆r Ih đei pơkă bơih hăm 'bă inh Đawit đĭch đam ih.

I Pot 8:26 ပူးပေါင်းရင်းမြစ်များ

I Pot 8:23

Păng khan; “Ơ Kră Yang lu bơngai Isơrael, mă oei tơ kơpal plĕnh ti dah tơ anih âu, ưh kơ đei yang nai thoi Ih, Ih 'mêm mơnat kơ lu đĭch đam Ih păng wei răk dôm nơ̆r Ih đei pơkă pơkăm hăm lu sư. Bu mă đĭ jơhngơ̆m năm păng oei hăm Ih.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Ho 17:23

Dang ei, ơ Kră Yang ăn kơ nơ̆r Ih pơkă pơ'ngam kơ đĭch đam Ih hăm hnam dơnŏ sư oei kơjăp ling-lang khŏm khŏm, apinh Ih pơm bĕ kiơ̆ thoi Ih đei pơkă boih,

II Ho 1:9

Ơ Kră Yang 'Bok Kei-Dei, apinh Ih pơsĭt bĕ nơ̆r Ih đei pơkă pơ'ngam hăm 'bă inh Đawit, gơh jing yua kơ Ih đei pôk inh pơm pơtao boih wă wei pơgơ̆r lu adrĕch adrung lơ kơdrâ̆m thoi 'mui teh âu.

Horiso 119:38

Apinh Ih pơkeh nơ̆r pơkăm hăm lu đĭch đam Ih. Lu bơngai mă hli yom kơ Ih.

Horiso 119:49

Apinh Ih 'blŏk kơ nơ̆r Ih đei pơkă hăm lu đĭch đam Ih. Đơ̆ng tơdrong 'nâu Ih ăn kơ inh đei hơmĕng.

Horiso 41:13

Trŏ kơkuh bơnê kơ Kră Yang Kră Yang 'Bok Kei-Dei Isơrael Đơ̆ng âu truh tơ ning-mônh ling-lang A-men, A-men!

Le 24:10

Tơmang 'bôh Kră Yang 'Bok Kei-Dei Isơrael tơ ala jơ̆ng Sư đei minh pôm tơmam thoi trong lơ̆k tơmo gĭt rang, nhen thoi hơdah plĕnh.

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Je 11:5

Na Inh wă pơsĭt nơ̆r Inh pơkă pơkăm hăm lu 'bok yă iĕm, wă ăn kơ lu sư dêh char 'lơ̆ng đei ro thoi đak sut đak toh,’ char mă iĕm oei dang ei.” Inh tơl: “Ơ Kră Yang ăn đei bĕ thoi noh, A-men.”

I Sam 1:17

Na Hêli khan, năm mă 'lơ̆ng bĕ krao khan bĕ kơ Kră Yang 'Bok Kei-Dei Isơrael ăn kơ ih tơdrong ih krao apinh sư.