I Pot 8:20 - Sơ̆p Hlabơar Nơ̆r 'Bok Kei-Dei

²⁰ “Dang ei Kră Yang, pơsĭt bơih kơ đêl nơ̆r Sư pơkă. Inh tơplih kơ 'bă inh wă pơgơ̆r hơ-oei kơpal tang-dŏ pơtao wei-lăng lu bơngai Isơrael. 'Blep thoi đơ̆ng nơ̆r Kră Yang pơkă, Inh pơm keh bơih Hnam akŭm kơ anăn Kră Yang, 'Bok Kei-Dei Isơrael.

I Pot 8:20 ပူးပေါင်းရင်းမြစ်များ

II Sam 7:12

Lăp jơ 'năr ih đĭ boih, păng ih lôch năm oei hơdai hăm lu 'bok yă ih, na Inh gô pôk minh 'nu đơ̆ng lăm adrĕch adrung ih sư noh đơ̆ng kon ih pơjing wă pơtrơp kơ tang-dŏ pơtao ih, păng Inh gô ăn kơ dêh char pơtao sư kơjăp.

I Pot 1:48

păng khan: ‘Kơkuh bơnê ư-ang kơ Kră Yang 'Bok Kei-Dei bơngai Isơrael, năr 'nâu Ih đei ăn kơ măt inh đei 'bôh boih kon drŏ-nglo inh hơ-oei kơpal tang-dŏ pơtao inh.’ ”

I Pot 8:15

Sư khan: “Bơnê ư-ang kơ Kră Yang; 'Bok Kei-Dei Isơrael pơkeh đơ̆ng Ih pơkă hăm 'bă inh Đawit, yua kơ đơ̆ng ti mơsêh Ih pơsĭt trŏ nơ̆r pơkă 'noh,” Ih kư̆m khan thoi âu dơ̆ng:

Ne 9:8

Kră Yang 'bôh boih jơhngơ̆m sư tơpăt tơnăp 'bơ̆t anăp Ih păng Ih pơgơ̆p hăm sư, ăn kơ adrĕch adrung sư char đe Kanaan, kon pơlei Hêtit, kon pơlei Amôrit, kon pơlei Phêrêsit, kon pơlei Jêbus păng kon pơlei Girgasit păng pơsĭt 'blep trŏ boih thoi nơ̆r Ih pơkă, yua kơ Ih tơpăt hơnơ̆ng.

Horiso 138:2

Inh gô drap kơkuh 'bơ̆t anih rơgoh Ih. Bơnê kơ anăn Ih yua kơ tơdrong 'mêm păng tơdrong sĭt tơpăt Ih. Yua kơ Ih đei pơm ăn kơ anăn păng nơ̆r Ih đei pơyom tih hloh kơ đĭ-đăng,

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Êsêkiên 12:25

Yua kơ Inh boih Kră Yang, Inh gô pơma păng nơ̆r Inh pơma gô jing, ưh pă gơh lê̆ đunh. Ơ lu adrĕch ayăt 'maih tơblah plơ̆! Noh trŏ kơ năr lu iĕm, Inh khan hăm nơ̆r Inh sư gô pơsĭt, Kră Yang khan thoi noh.’ ”

Êsêkiên 37:14

Inh gô ăn Yang Bơhngol Inh kơ lu iĕm na lu iĕm gô arih; Inh gô ăn kơ lu iĕm brŏk tơ teh iĕm kơdih na lu iĕm gô băt Inh boih Kră Yang, Inh khan pơkă boih, Inh gô pơm Kră Yang khan.

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Jang 7:47

Mă-lei Đawit ưh kơ pơm ôh hnam ei, yua kơ 'Bok Kei-Dei ưh kơ ăn kơ sư pơm. Mă-lei kon Đawit Sôlômôn pơm.

Rom 4:21

Sư băt tơpă 'Bok Kei-Dei gô pơm 'blep thoi Sư pơkă wă ăn kơ sư.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

Jôsuê 21:45

Lăm dôm nơ̆r 'lơ̆ng mă Kră Yang đei hlôi khan boih kơ adrĕch bơngai Isơrael, ưh kơ đei minh nơ̆r pơkă pơkăm ayơ mă khan ưh kơ jing đĭ-đăng đei pơsĭt ngăl.