I Pot 8:16 - Sơ̆p Hlabơar Nơ̆r 'Bok Kei-Dei

¹⁶ ‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

I Pot 8:16 ပူးပေါင်းရင်းမြစ်များ

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

I Ho 17:3

Lăm măng noh mơ̆n Kră Yang pơma dơnuh hăm Nathan na khan.

I Ho 28:4

Kră Yang 'Bok Kei-Dei Isơrael đei rơih boih inh đơ̆ng lăm hnam dơnŏ 'bă inh, wă pơm pơtao Isơrael ling-lang. Tơpă sư đei rơih boih adrĕch Juđa pơgơ̆r wei-lăng; đơ̆ng lăm adrĕch Juđa sư rơih iŏk hnam dơnŏ 'bă inh; lăm lu kon drŏ-nglo 'bă inh, Kră Yang lăp đon rơih iŏk inh, pôk inh pơm pơtao kơ đĭ-đăng lu bơngai Isơrael.

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Horiso 132:13

Yua kơ Kră Yang rơih boih Siôn; Sư wă kơ Siôn jing anih Sư oei:

Horiso 78:70

Sư rơih iŏk Đawit đĭch đam Sư. Iŏk sư đơ̆ng lăm war triu;

Horiso 89:3

Ih khan: “Inh pơjing boih nơ̆r pơgơ̆p hăm lu bơngai mă Inh đei rơih. Inh đei pơkă hăm Đawit, đĭch đam Inh;

Je 7:12

“Thoi noh, năm bĕ tơ Silô anih Inh oei sơ̆, anih mă Anăn Inh oei blŭng-a na lăng Inh đei pơm kiơ kơ sư boih yua kơ tơdrong kơnê̆ lu bơngai Isơrael Inh;

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.