I Pot 6:38 - Sơ̆p Hlabơar Nơ̆r 'Bok Kei-Dei

³⁸ Truh tơ sơnăm mă mơjĭt-mônh, 'blep kơ khei Bul wă khan khei tơhngam, đĭ-đăng dôm tơdrong jang man Hnam akŭm Kră Yang noh keh đang ngăl bơih kiơ̆ 'blep thoi đei hơgăt lê̆ adrol să iĕ, hơbŏ hnam noh. Pơtao Sôlômôn pơm Hnam akŭm 7 Kră Yang keh đĭ-đăng tơpơh sơnăm 'mơ̆i.

I Pot 6:38 ပူးပေါင်းရင်းမြစ်များ

I Pot 6:1

Lăm sơnăm puăn-hrĕng tơhngam-jĭt đơ̆ng rŏng kơ lu bơngai Isơrael lĕch đơ̆ng dêh char Êyiptơ; sơnăm mă puăn lăm chăl Sôlômôn pơgơ̆r lu bơngai Isơrael, kơplah khei Siu wă khan khei mă 'bar, sư pơtơm pơdơ̆ng tơiung pơm Hnam akŭm Kră Yang.

I Pot 6:14

Thoi noh pơtao Sôlômôn pơm Hnam akŭm păng pơm pơkeh.

I Pot 6:37

Lăm sơnăm mă puăn, 'blep kơ khei Siu. Hnam akŭm Kră Yang man pơdơ̆ng jrăng.

I Pot 6:9

Sư pơm Hnam akŭm păng pơkeh man noh. Sôlômôn sư roh tơpơng klơ̆p hăm tơ̆r 'long hơngo bri.

I Pot 7:1

Sôlômôn pơm hnam pơtao sư keh đang lăm mơjĭt-pêng sơnăm.

I Pot 9:10

Lăp 'blep 'bar-jĭt sơnăm kơplah Sôlômôn pơm keh 'bar tŏ Hnam, pơm hnam akŭm păng hnam pơtao sư kơdih.

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

II Ho 8:1

Kơtĕch kơ 'bar-jĭt sơnăm đơ̆ng rŏng kơ Sôlômôn pơm man hnam Kră Yang 'Bok Kei-Dei păng hnam pơtao sư kơdih keh đang boih,

II Ho 8:16

Thoi noh đĭ-đăng tơdrong jang Sôlômôn đei pơm boih, đơ̆ng pơm tơiung hnam Kră Yang dĭng keh đang; pơm hnam Kră Yang keh đang boih.

Esơra 5:11

Lu sư tơl nơ̆r thoi âu: Lu nhôn boih đĭch đam Kră Yang 'Bok Kei-Dei, Kră Yang pơgơ̆r đĭ-đăng plĕnh păng teh; lu nhôn oei wă pơm pơjing dơ̆ng hnam akŭm, đunh sơnăm boih adrol kơ âu đei minh 'nu pơtao mơdrŏng đe pơyua lăm Isơrael đei pơjing păng pơm.

Le 39:32

Thoi noh tơdrong pơm Bơsŭn Anih Akŭm keh đang boih. Kon pơlei Isơrael pơm kiơ̆ thoi dôm nơ̆r Kră Yang pơkă hăm Môis.

Le 39:42

Đĭ-đăng lu kon pơlei pơla Isơrael pơm keh tôm tơdrong jang noh kiơ̆ thoi nơ̆r Kră Yang pơkă boih kơ Môis.

Le 39:43

Môis lăng lăng tôm tơdrong jang, 'bôh lu sư pơm kiơ̆ thoi nơ̆r Kră Yang khan pơkă boih, thoi noh na Môis bơnê sơkat ăn tơdrong pŭn hiôk kơ lu sư.

Sa 4:9

“Đơ̆ng ti Sôrôbabel đei pơjing hnam 'nâu păng ti sư kư̆m gô pơm keh mơ̆n.” Kơplah noh ih gô băt Kră Yang Tih Hloh đei wơh inh năm tơ lu iĕm.

Yo 2:20

Lu bơngai Juđê khan: “Thoi yơ Ih kĕ? Đe jang pơm hnam âu sơ̆ puăn-jĭt tơdrâu sơnăm 'mơ̆i na gơh keh; na Ih khan kơtĕch pêng năr đĕch keh hloi.”