I Pot 5:17 - Sơ̆p Hlabơar Nơ̆r 'Bok Kei-Dei

¹⁷ Kiơ̆ pơtao Sôlômôn athei lu sư teh blah tơmo tih tơmo gĭt wă pơm jrăng hơnă Hnam Akŭm.

I Pot 5:17 ပူးပေါင်းရင်းမြစ်များ

II Sam 22:39

Inh pơlôch đĭ lu sư teh pơrăm lê̆ lu sư. Lu sư ưh kơ kĕ kơ iung dơ̆ng lu sư pơ̆k 'bơ̆t ala jơ̆ng inh.

II Sam 7:5

“Athei năm khan kơ Đawit, đĭch đam Inh Kră Yang khan thoi âu” Ih wă pơm kơ Inh hnam oei hă?

I Pot 6:7

Năr wă pơdơ̆ng hnam đe yua tơmo đơ̆ng lăm sơlŭng đe teh 'măn lê̆ adrol bơih, kơplah lu sư pơdơ̆ng tơiung ưh pă đei kơtơ̆ng re mut teh, păng re lu tơmam đe pơm păng bơsei.

I Pot 7:9

Đĭ-đăng hnam pơtao âu, sư pơm păng tơmo gĭt ngăl, sư bŏk blah teh tơmo âu pơtŏ hơgăt trŏ kiơ̆ gah rŏng păng gah klak. Mă đơ̆ng lăm truh tơ 'nguaih đơ̆ng ala truh tơ kơpal mă gah rŏng anăp.

I Ho 22:2

Đawit krao akŭm lu bơngai tơmoi oei lăm char Isơrael sư pơkă kơ lu bơngai teh blah tơmo wă pơm hnam Kră Yang 'Bok Kei-Dei.

I Ho 22:8

Mă-lei nơ̆r Kră Yang khan kơ inh: Ih pơlôch tuh pham lơ boih păng ih đei tơblah tih; ih ưh kơ gơh pơm hnam kơ Anăn Inh ôh, yua kơ ih pơlôch tuh pham lơ dêh 'bơ̆t anăp Inh lăm teh đak âu.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.