I Pot 4:26 - Sơ̆p Hlabơar Nơ̆r 'Bok Kei-Dei

²⁶ Sôlômôn đei puăn-jĭt rơbâu tŏ hơdrong aseh dui gre păng đei mơjĭt-'bar rơbâu lu linh chĕp gre aseh.

I Pot 4:26 ပူးပေါင်းရင်းမြစ်များ

II Sam 8:4

Pơtao Đawit rôp linh pơtao Sôba pơm bơnă minh-rơbâu tơpơh-hrĕng linh hao aseh, păng 'bar-jĭt rơbâu linh năm jơ̆ng, linh pơtao Sôba. Pơtao Đawit kư̆m koh lê̆ huan jon aseh păng aseh dui gre lê̆ kơ lu sư oei pă lăp kơ dui minh-hrĕng tŏ gre đĕch.

I Pot 4:27

Lu yŏng pơgơ̆r tơring lu sư kiơ̆ kơ khei asong băl chă hơmet lê̆ tôm mah lăm rim khei tơmam sŏng sa ăn kơ pơtao Sôlômôn păng rim 'nu bơngai mă sŏng sa hơdai hăm pơtao, ưh kơ đei tơmam kiơ kơ'bah ôh.

I Pot 9:19

Sôlômôn kư̆m đei pơm pơlei 'măn dôm tơmam, 'măn gre aseh, pơlei ăn kơ lu linh hao aseh oei păng dôm tơdrong Sôlômôn wă pơm lăm pơlei Jêrusalem, lăm char Liban păng đĭ-đăng lăm char sư pơgơ̆r.

II Ho 1:14

Sôlômôn akŭm lu gre aseh păng aseh, đei minh-rơbâu puăn-hrĕng tŏ gre aseh păng mơjĭt-'bar rơbâu tŏ aseh; 'măn lê̆ lăm pơlei tah gre aseh kư̆m hơdai hăm pơtao lăm Pơlei Jêrusalem.

II Ho 9:25

Pơtao Sôlômôn đei puăn-rơbâu tŏ hơdrong aseh păng hnam tah gre aseh, kư̆m đei mơjĭt-'bar rơbâu aseh, tơ lăm lu pơlei tah gre aseh păng tah hơdai hăm sư tơ lăm pơlei tih Jêrusalem.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.