I Pot 4:11 - Sơ̆p Hlabơar Nơ̆r 'Bok Kei-Dei

¹¹ Bên Abinađap wei-lăng đĭ-đăng lăm dêh char Naphot Dor; akăn sư Taphat, kon drŏ-kăn Sôlômôn.

I Pot 4:11 ပူးပေါင်းရင်းမြစ်များ

I Pot 4:15

Ahimaas wei-lăng tơring Naptali, oei kơ Basemat kon adruh pơtao Sôlômôn.

Jôsuê 11:1

Kơplah Jabin, pơtao pơlei Hasor, kơtơ̆ng tơdrong noh, sư athei bơngai năm tơ Jôbap, pơtao Madon, lu pơtao pơlei Simrôn păng pơtao Aksap.

Jôsuê 11:2

Hăm lu pơtao oei tơ kơpal kông lăm char gah yă-nơ̆m păng oei lăm thŭng dơnă Araba gah gơal kơ đak Dơsĭ Kinêrot, tơring thŭng jơ̆ng kông gah bơmơ̆t păng tơ tơring kông groi kơjung tơ Naphot Đôr gah bơmơ̆t.

Jôsuê 12:23

Pơtao Đôr oei tơ tơring kông groi kơjung Đôr, pơtao Gôim oei tơ Gilgal.

Jôsuê 17:11

Teh gah Isakar păng Aser kư̆m đei adrĕch Manase oei thoi pơlei Bêt Sêan. Pơlei Iblêam păng lu kon pơlei Đôr, kon pơlei Êndôr, kon pơlei Tanak, păng kon pơlei Mêgiđô, tơring mă pêng noh pơlei Naphot kiơ̆ kơ jô̆.

Lu 1:27

Bơngai Manase ưh kơ gơh puh lê̆ lu kon pơlei oei tơ Bêt Sêan păng pơlei oei jum dăr ưh kơ tam, kon pơlei oei tơ Tanak păng lu pơlei jum dăr kơ sư kư̆m ưh kơ tam, lu kon pơlei oei tơ Đôr păng pơlei oei jum dăr kơ sư, kon pơlei oei tơ Iblêam păng pơlei jum dăr kơ sư, pơlei oei tơ Mêgiđô păng rim pơlei mă sư pơgơ̆r, na sư kư̆m ưh kơ gơh pơpuh lê̆ tơ nai, yua kơ đei lu kon pơlei Kanaan oei tơ lăm lu pơlei ei.

I Sam 16:6

Wă Jese hăm lu kon sư truh, Samuel 'bôh Êliap, na tơchĕng lăm to khan: 'Nâu boih bơngai mă wă tuh đak rơmă đơ̆ng Kră Yang mă oei dơ̆ng 'bơ̆t anăp Sư.

I Sam 16:8

Jese krao Abinađap păng athei sư năm 'bơ̆t anăp Samuel; mă-lei Samuel khan: Kră Yang kư̆m ưh kơ rơih iŏk bơngai 'nâu.

I Sam 16:9

Jese athei Samma năm 'bơ̆t anăp Samuel mă-lei Samuel khan: Kră Yang kư̆m ưh kơ rơih iŏk bơngai 'nâu mơ̆n.