I Pot 3:12 - Sơ̆p Hlabơar Nơ̆r 'Bok Kei-Dei

¹² 'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

I Pot 3:12 ပူးပေါင်းရင်းမြစ်များ

I Pot 2:6

Thoi noh, pơm bĕ kiơ̆ kơ ih gơh hơgei, mă-lei 'nĕ kơ lê̆ kơ̆l sŏk ko sư jur tơ dêh atâu hiôk-hian.

I Pot 2:9

Yua kơ thoi noh na dang ei ih 'nĕ kơ jô̆ sư noh ưh kơ đei yoch, yua kơ ih jơ̆ minh 'nu bơngai gơh hơgei, ih băt wă pơm kơ sư thoi yơ, ih athei pơm kơ kơ̆l sŏk ko sư 'bơm pham ngăl na jur tơ dêh atâu.”

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 5:12

Kră Yang tuh ăn kơ pơtao Sôlômôn tơdrong gơh hơgei hlôh wao kiơ̆ thoi Kră Yang đei pơkă hăm sư; Hiram măr sư Sôlômôn pơgơ̆p băl kơjăp 'lơ̆ng dêh.

I Pot 5:9

Lu đĭch đam inh gô dui hor 'long noh đơ̆ng char Liban ba tơ đak dơsĭ, na chô̆ pơm thoi thŏng-nan chơ ăn kơ ih truh tơ anih mă ih tơhlâu ăn kơ inh. Inh gô yuih lê̆ tơ noh ih gô iŏk đơ̆ng noh. Ih athei bơngơ̆t kiơ̆ thoi inh wă ăn kơ đĭ ŭnh hnam nhôn tơmam sa.”

I Ho 29:25

Kră Yang pơm ăn kơ Sôlômôn đei pơyom 'bơ̆t anăp đĭ-đăng kon pơlei Isơrael; Sư ăn kơ dêh char Sôlômôn pơtao 'lơ̆ng rŏ hơbŏ krưp, ưh tam đei minh 'nu pơtao Isơrael ayơ adrol kơ sư mă đei thoi noh.

II Ho 2:12

Hiram khan dơ̆ng: “Bơnê kơ Kră Yang 'Bok Kei-Dei Isơrael, Kră Yang Tơ'ngla pơjing kơ plĕnh teh, Sư đei ăn boih kơ pơtao Đawit minh 'nu kon drŏ-nglo gơh hơgei, hlôh wao wă pơm hnam kơ Kră Yang păng wă pơm minh pôm hnam pơtao kơ sư.

Ne 13:26

Ưh kơ trŏ kơ Sôlômôn, pơtao Isơrael, đei pơm yoch kơ tơdrong noh hă? Đei lơ adrĕch adrung kon bơngai ưh kơ đei minh 'nu pơtao ayơ nhen thoi sư; sư bơngai mă Kră Yang 'Bok Kei-Dei 'mêm, na Kră Yang 'Bok Kei-Dei pôk ăn kơ sư jing pơm pơtao kơ bơngai Isơrael. Mă-lei lu drŏ-kăn tơmoi adrĕch nai pơdrŭt pơhlŭ sư pơm yoch!

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Tơdrông Pơđơk 2:6

Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

Bôk Bơthô 1:13

Inh nŏng kơ yua tơdrong gơh hơgei wă tơchĕng pơwao dôm tơdrong jang tơ ala teh âu; noh jơ̆ minh tơdrong gleh hrat mă 'Bok Kei-Dei pơjao boih kơ kon bơngai wă kơ jang.

Bôk Bơthô 1:16

Inh pơma lăm to khan: “Âu inh đei boih tơdrong hơgei tih hloh kơ đĭ-đăng lu bơngai mă oei adrol kơ inh tơ pơlei Jêrusalem. Jơhngơ̆m inh 'bôh tơpă boih lơ tơdrong hlôh băt, gơh hơgei.”

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Mathiơ 12:42

Truh năr 'Bok Kei-Dei sek tơlang ning-mônh kư̆m đei minh 'nu yă pơtao đơ̆ng dêh Sêba wang jô̆ kơ lu jơhnơr iĕm dang ei bơngai yoch, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho, mă-lei iĕm âu đei bơngai bơtho hơgei hloh kơ pơtao Sôlômôn bơtho ră pơm kuă kơ tơbral kơdih tơdrong yoch.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Both 34:9

Jôsuê kon drŏ-nglo Nun, đei 'bĕnh blai kơ tơdrong gơh hơgei, yua kơ Môis đei dan tơpang ti tơ akâu Jôsuê boih; na kon pơlei bơngai Isơrael chu nơ̆r sư păng pơm kiơ̆ dôm tơdrong Kră Yang bơtho pơkă kơ Môis.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.