I Pot 22:53 - Sơ̆p Hlabơar Nơ̆r 'Bok Kei-Dei

⁵³ Sư pơm lơ tơdrong yoch kơnê̆ 'bơ̆t anăp Kră Yang, kiơ̆ trong 'bă sư păng mĕ sư păng kiơ̆ trong Jêrôbôam kon drŏ-nglo Nêbat, bơngai mă pơhlŭ lu bơngai Isơrael pơm yoch.

I Pot 22:53 ပူးပေါင်းရင်းမြစ်များ

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 16:7

Đei dơ̆ng nơ̆r Kră Yang khan kơ Jêhu 'bok khan lê̆ adrol, kon Hanani, nơ̆r noh blah Baasa păng adrĕch sư, yua kơ tơdrong yoch kơnê̆ mă sư đei pơm 'bơ̆t anăp Kră Yang, păng tơblĕk Kră Yang hăm tơdrong sư pơm, sư pơm rok thoi adrĕch hnam Jêrôbôam păng yua kơ sư pơlôch pơrăm adrĕch hnam noh.

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Pot 3:2

Sư pơm kơnê̆ 'bơ̆t anăp Kră Yang, mă-lei sư ưh kơ lei-lăi thoi mĕ 'bă sư sơ̆ ôh, yua kơ sư hŭt lê̆ rup yang Baal đơ̆ng 'bă sư man pơdơ̆ng sơ̆.

II Pot 8:18

Sư năm kiơ̆ trong lu pơtao Isơrael, lei-lăi thoi pơtao Ahap pơm bơih yua kơ akăn sư 'noh kon pơtao Ahap. Sư pơm kơnê̆ 'bơ̆t anăp Kră Yang.

II Ho 20:35

Đơ̆ng rŏng kơ noh Jêhôsaphat pơtao Juđa pơgơ̆p hăm Ahasia pơtao Isơrael, bơngai mă pơm kơnê̆.

Horiso 106:29

Lu sư tơblĕk Kră Yang hăm tơdrong jang lu sư pơm kơnê̆. Păng jĭ lôch hơbuh truh tơ lăm lu sư,

Êsai 65:3

Minh adrĕch kon pơlei ling-lang tơblĕk Inh 'Bơ̆t anăp Inh soi sơmah kơ rup yang lăm pơgar, soh 'long 'bâu phu ăn kơ yang tơ kơpal chơnang găch.

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.