I Pot 22:52 - Sơ̆p Hlabơar Nơ̆r 'Bok Kei-Dei

⁵² Lăm sơnăm mă mơjĭt-tơpơh lăm chăl Jêhôsaphat pơm pơtao đe Juđa. Ahasia, kon drŏ-nglo Ahap pơm pơtao Isơrael tơ dêh Samari. Sư pơgơ̆r lăp 'bar sơnăm đĕch.

I Pot 22:52 ပူးပေါင်းရင်းမြစ်များ

I Pot 15:26

Sư pơm tơdrong yoch kơnê̆ 'bơ̆t anăp Kră Yang, năm kiơ̆ trong pơm yoch thoi 'bă sư đei pơm bơih, pơm kơ lu bơngai Isơrael pơm yoch kiơ̆.

I Pot 15:34

Sư pơm tơdrong yoch kơnê̆ 'bơ̆t anăp Kră Yang, sư năm kiơ̆ trong Jêrôbôam păng tơdrong yoch sư, sư kư̆m pơm ăn kơ bơngai Isơrael dai wang pơm yoch kiơ̆.

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

I Pot 22:40

Thoi noh Ahap lôch năm oei hơdai lu 'bok kơdră sư; Ahasia kon drŏ-nglo sư pơgơ̆r pơtrơp sư.

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.

II Pot 8:27

Sư năm kiơ̆ trong adrĕch adrung Ahap, pơm kơnê̆ 'bơ̆t anăp Kră Yang lei-lăi thoi Ahap hlôi pơm bơih, yua kơ sư ŏng pơtao Ahap.

II Pot 9:22

Lăp 'bôh Jêhu na Jôram jet: “Ơ Jêhu, hăm trŏ kơ ih năm wă kơ hiôk-hian?” Mă-lei, Jêhu tơl khan: “Na! Mưh khan mĕ ih yă Jêsebel oei kơkuh pơm yang,a pơm pơjâu, na wă hiôk hơiă liơ gơh?”

II Ho 22:3

Sư kư̆m pơm kiơ̆ trong Ahap; yua kơ mĕ sư pơhlŭ sư pơm tơdrong kơnê̆.

Markôs 6:24

Na adruh ei lĕch năm jet mĕ sư: “Ơ mĕ, ih wă kơ inh apinh kiơ đơ̆ng 'bok pơtao?” Na mĕ sư khan: “E apinh chơ̆ng iŏk kơ̆l Yôhan bơngai mă pơm 'batem kơ đe.”

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.