I Pot 22:49 - Sơ̆p Hlabơar Nơ̆r 'Bok Kei-Dei

⁴⁹ Jêhôsaphat pơm duk đơ̆ng char Taris wă năm tơ dêh char Ôphir, sư chă maih mă-lei lu sư ưh kơ yĕng kơ năm, yua kơ duk sư pơchah tơ pơlei Êsiôn Gêber.

I Pot 22:49 ပူးပေါင်းရင်းမြစ်များ

I Pot 10:22

Yua kơ pơtao đei lơ duk đơ̆ng Tarsis lăm đak dơsĭ hơdai hăm duk Hiram, lăm pêng sơnăm minh 'măng brŏk chơ ba maih, hu, bơla rôih, kuĕnh păng hơmră.

I Pot 22:48

Kơplah noh lăm char Eđôm ưh kơ đei pơtao, đei minh 'nu yŏng chă jang tang tơplih pơgơ̆r lu sư.

I Pot 22:50

Kơplah noh Ahasia kon drŏ-nglo Ahap khan kơ Jêhôsaphat: “Apinh ih song đĭch đam inh tŏk duk năm hơdai hăm đĭch đam ih,” mă-lei Jêhôsaphat ưh kơ ăn.

I Pot 9:26

Pơtao Sôlômôn kư̆m pơm lơlap duk thŏng-nan tơ pơlei Êsiôn Gêber oei jê̆ pơlei Êlat tơ đak Dơsĭ 'Brê lăm dêh char Eđôm.

I Pot 9:27

Đơ̆ng noh Hiram wơh đĭch đam sư, wă khan lu bơngai hơgei huơ̆r thŏng-nan lăm đak dơsĭ năm tơgŭm hơdai lu đĭch đam Sôlômôn.

I Pot 9:28

Lu sư năm tơ dêh char Ôphir, lu sư chă chĕp ba puăn-hrĕng 'bar-jĭt talâng maihb đơ̆ng dêh char 'noh năm ăn kơ pơtao Sôlômôn.

II Ho 20:35

Đơ̆ng rŏng kơ noh Jêhôsaphat pơtao Juđa pơgơ̆p hăm Ahasia pơtao Isơrael, bơngai mă pơm kơnê̆.

Horiso 48:8

Tơdrong kiơ̆ mă lu nhôn kơtơ̆ng noh lu nhôn 'bôh boih. Lăm pơlei Kră Yang Tih Hloh. Wă khan lăm pơlei Kră Yang 'Bok Kei-Dei lu nhôn. Kră Yang 'Bok Kei-Dei pơjing boih pơlei noh. Kơjăp ling-lang, ling-lang. Sêla