I Pot 22:43 - Sơ̆p Hlabơar Nơ̆r 'Bok Kei-Dei

⁴³ Sư năm kiơ̆ trong gơlong Asa, 'bă sư ưh kơ weh trong nai, sư pơm 'lơ̆ng tơpăt 'bơ̆t anăp Kră Yang.

I Pot 22:43 ပူးပေါင်းရင်းမြစ်များ

I Pot 14:23

Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

I Pot 15:11

Asa pơm 'lơ̆ng tơpăt 'bơ̆t anăp Kră Yang, thoi Đawit 'bok kơdră sư đei pơm.

I Pot 15:14

Sư ưh kơ yuih hŭt lê̆ ôh lu anih kơjung đe pơm yang, mă-lei jơhngơ̆m Asa pơm 'lơ̆ng 'bơ̆t anăp Kră Yang truh đĭ chăl arih sư.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 22:42

Jêhôsaphat pơm pơtao đe Juđa sư 'nao pêng-jĭt pơđăm sơnăm đĕch; sư pơgơ̆r 'bar-jĭt pơđăm sơnăm tơ Pơlei Jêrusalem. Mĕ pơtao anăn Asuba, kon drŏ-kăn 'bok Sihli.

I Pot 3:2

Lu kon pơlei oei pơyơ̆r tơmam soi tơ anih groi kơjung 'mơ̆i, yua kơ kơplah noh pơtao tam mă pơm hnam akŭm kơkuh kơ anăn Kră Yang.

II Pot 12:3

Mă-lei, sư ưh kơ hŭt lê̆ hnam kơkuh kơ yang pơm tơ anih kơjung, lu kon pơlei oei hơnơ̆ng kơ soi sơmah kơ yang păng soh tơ kơpal anih 'bâu phu kơjung noh.

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 15:17

Mă lu anih tơ kơpal kơjung lu bơngai Isơrael sư ưh kơ đei pơrăm ôh; lei ră, jơhngơ̆m Asa oei arih 'lơ̆ng hăm Kră Yang lăm đĭ chăl arih sư.

II Ho 15:8

Wă Asa kơtơ̆ng boih nơ̆r 'nâu păng nơ̆r khan lê̆ adrol đơ̆ng Asaria kon drŏ-nglo Ôdet, jơhngơ̆m sư hiôk na sư nuih pơ̆n pơrăm lê̆ đĭ lu rup yang kơnê̆ đơ̆ng lăm jơ̆p kơ Juđa păng Bênjamin, hăm đơ̆ng lăm lu pơlei mă đêl lu sư 'nao blah iŏk tơ kơpal kông groi Êphraim; sư pơdơ̆ng hơmet chơnang soi Kră Yang 'bơ̆t anăp kơdeng hnam Kră Yang.

Horiso 101:3

Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 40:4

Pŭn dêh kơ đe bu mă gơnang kơ Kră Yang. Ưh kơ kiơ̆ lu bơngai pơang Păng lu bơngai chă yang glăi!a

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Tơdrông Pơđơk 13:1

Kon gơh hơgei đei đon mơ̆ng kiơ̆ nơ̆r 'bă bơtho khan. Mă-lei bơngai kơ chu lu sư ưh kơ wă mơ̆ng đe chrih bơtho.

Tơdrông Pơđơk 4:27

'Nĕ kơ weh-woh 'ma 'ngiĕo, Jơ̆ng ih weh bĕ đơ̆ng tơdrong kơnê̆.