I Pot 22:42 - Sơ̆p Hlabơar Nơ̆r 'Bok Kei-Dei

⁴² Jêhôsaphat pơm pơtao đe Juđa sư 'nao pêng-jĭt pơđăm sơnăm đĕch; sư pơgơ̆r 'bar-jĭt pơđăm sơnăm tơ Pơlei Jêrusalem. Mĕ pơtao anăn Asuba, kon drŏ-kăn 'bok Sihli.

I Pot 22:42 ပူးပေါင်းရင်းမြစ်များ

I Pot 14:21

Rôbôam kon drŏ-nglo Sôlômôn pơgơ̆r lăm dêh char Juđa; kơplah sư tŏk pơgơ̆r, sư puăn-jĭt mônh sơnăm bơih; sư pơgơ̆r mơjĭt-tơpơh sơnăm tơ Pơlei Jêrusalem, pơlei mă Kră Yang rơih đơ̆ng lăm rim adrĕch adrung Isơrael, wă 'măn Anăn Sư tơ noh. Mĕ pơtao anăn Naama bơngai Ammôn.

I Pot 15:10

Sư pơgơ̆r puăn-jĭt mônh sơnăm lăm pơlei Jêrusalem. Yă tơm gah 'bă sư anăn Maaka kon drŏ-kăn Abisalom.

I Pot 15:2

Sư pơgơ̆r pêng sơnăm lăm Pơlei Jêrusalem. Mĕ sư anăn Maaka kon drŏ-kăn Abisalom.

I Pot 22:41

Jêhôsaphat, kon drŏ-nglo Asa pơm pơtao đe Juđa lăm sơnăm mă puăn lăm chăl Ahap pơm pơtao đe Isơrael.

I Pot 22:43

Sư năm kiơ̆ trong gơlong Asa, 'bă sư ưh kơ weh trong nai, sư pơm 'lơ̆ng tơpăt 'bơ̆t anăp Kră Yang.

II Pot 1:17

Thoi noh Ahasia lôch kiơ̆ thoi nơ̆r Kră Yang yua bơih Êli khan. Yua kơ pơtao Ahasia ưh kơ đei kon drŏ-nglo lei na oh sư Jôram tŏk pơm pơtao pơtrơp đơ̆ng sư, lăm sơnăm mă 'bar chăl Jôram pơgơ̆r, sư kon Jêhôsaphat pơtao dêh Juđa.

II Pot 8:16

Lăm sơnăm mă pơđăm, chăl Jôram, kon drŏ-nglo Ahap, pơgơ̆r dêh Isơrael, na Jêhôram kon drŏ-nglo Jêhôsaphat pơgơ̆r dêh Juđa.

II Ho 20:31

Thoi noh Jêhôsaphat pơm pơtao pơgơ̆r dêh char Juđa iŏk đơ̆ng sư 'nao pêng-jĭt pơđăm sơnăm pơgơ̆r oei lăm pơlei tih Jêrusalem 'bar-jĭt pơđăm sơnăm mĕ sư anăn Asuba kon drŏ-kăn Silhi.