I Pot 22:4 - Sơ̆p Hlabơar Nơ̆r 'Bok Kei-Dei

⁴ Pơtao khan kơ Jêhôsaphat: “Ih hăm wă blah iŏk Pơlei Ramôt Gileat hơdai hăm inh ưh?” Jêhôsaphat tơl pơtao đe Isơrael: Inh kư̆m thoi ih, kon pơlei pơla inh kư̆m thoi kon pơlei pơla ih, aseh inh kư̆m thoi aseh ih mơ̆n.”

I Pot 22:4 ပူးပေါင်းရင်းမြစ်များ

I Pot 22:29

Thoi noh pơtao đe Isơrael păng Jêhôsaphat pơtao đe Juđa tŏk tơ pơlei Ramôt Gileat.

I Pot 22:5

Jêhôsaphat khan kơ pơtao đe Isơrael dơ̆ng: “Mă adrol hloh bơ̆n athei krao apinh jet Kră Yang 'mơ̆i.”

I Pot 4:13

Ben Gêber wei-lăng pơlei Ramôt Gileat, sư wei-lăng đĭ pơlei Jair kon drŏ-nglo Manase lăm char Gileat, sư kư̆m wei-lăng hloi pơlei Argôp lăm dêh char Basan, tơdrâu-jĭt tŏ pơlei tih đei dur man tăp dăr, 'măng dur chơkăl sư pơm păng kong.

II Pot 3:7

Sư wơh lu bơngai năm roi tơbăt ăn kơ Jêhôsaphat pơtao dêh Juđa khan: “Pơtao Môap tơblah hăm inh bơih, ih hăm gơh ưh ba năm blah lu bơngai Môap noh? Jêhôsaphat tơl: “Inh gô năm; inh kư̆m dang ih, kon pơlei inh kư̆m dang kon pơlei ih, aseh inh kư̆m dang aseh ih mơ̆n.”

II Ho 18:3

Ahap pơtao đe Isơrael khan kơ Jêhôsaphat pơtao đe Juđa: “Ih hăm wă năm hăm inh tŏk blah pơlei Ramôt Gileat ưh?” Sư drơ̆ng: “Inh kư̆m thoi ih; kon pơlei inh kư̆m thoi kon pơlei ih; nhôn gô năm hơdai ih tŏk blah.”

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

II Yo 1:11

Dah bơngai bu khan kơ sư khan: Yak mă 'lơ̆ng kơ ih, bơngai 'noh dang tơgŭm sư pơm dôm tơdrong kơnê̆.

Tơdrông Tơ'bôh 2:26

‘Tơdrong tơblah păng yang kơnê̆ wă kơ jei, sư athei adrin ling-lang khŏm khŏm dĭng truh tơ năr Inh jur ning-mônh, Inh gô pôk sư pơm 'bok pơgơ̆r lu teh đak đe, thoi 'Bă Inh ăn kơ Inh kư̆m pơgơ̆r thoi noh.